Арча районының Ташкичү авылында узган, Шиһабетдин Мәрҗанинең 200 еллыгына багышланган фәнни-гамәли конференциядә  “Шиһабетдин Мәрҗанинең күпкырлы эшчәнлеге” темасына уңышлы чыгыш ясап, 8нче сыйныф укучысы  Мостафина Адилә 2урын яулады. Уытучысы Фазлиева Рәмзия Габделбәр кызы

"Ашыт" тыюлыгы белән берлектә уздырылган районкүләм экологик конференциядә 2нче сыйныф укучысы Гарипова Ранилә 3урын яулады. Укытучысы Хөснетдинова Гөлия Камилевна

"Без бергә"  район иҗат фестивалендә мәктәбебез укучылары уңышлы чыгыш ясадылар.
Якупова Динә (җитәкчесе: Хасанова З.Х.) халык вокалы номинациясендә II, “Нур” ансамбле (җитәкчесе: Фәттахова Р.Ф) халык ансамбльләре номинациясендә- II, сәнгатьле шигырь сөйләү номинациясендә Салахетдинов Раяз - II,Зиганшина Илгия - III (җитәкчеләре Муллагалиева З.Г.),кул эшләре күргәзмәсендә Мостафина Адилә (җитәкчесе: Нуриева Н.Г.)дипломант исеменә лаек булдылар ,ә укучыларыбыз Гарипова Ранилә,Мухаметзянова Илүзә сертификатлар белән бүләкләнделәр!Укучыларыбызны һәм җитәкчеләрен зур җиңүләре белән котлыйбыз!

ТР биологик ресурслар комитеты җитәкчелегендә  "Ашыт" тыюлыгы тарафыннан  уздырылган "Мин һәм Кызыл Китап" республикакүләм  конкурста 2нче сыйныф укучысы Гарипова Ранилә призер булды.  Укучыбызны һәм җитәкчесе Хөснетдинова Г.К.ны зур җиңүләре белән котлыйбыз.

9нчы сыйныф укучылары Статград сайтыннан алынган материаллар буенча математикадан ТДИ тапшырып карадылар.

3нче сыйныф укучысы Җиһаншина Илгия "Өй шартларында кристалл үстерү"темасына фәнни эзләнү эше белән Ф.Әмирхан исемендәге фәнни-гамәли конференциядә унышлы чыгыш ясап, 2нче урынга лаек булды. Җитәкчесе Муллагалиева З.Г. һәм укучыбызны зур уңышлары белән кайнар котлыйбыз.

Мәктәбебезнең 7,8нче сыйныф укучылары Әтнә музеенда уздырылган "Солдат хатлары" күргәзмәсендә булдылар.

14 март -Халыкара елгалар көнендә 6-8 сыйныфлар өчен  бу датаны билгеләп үтү сәбәп-ләрен аңлатучы видеоролик күрсәтелде .Укучылар “Дөньяның иң матур һәм әкияти сулыклары “ фильмы аша  төрле илләрнең гаҗәеп сулыклары белән таныштылар. Чараны география укытучысы Сабирова Р.Х. үткәрде.

Югары Сәрдә башлангыч   мәктәбендә танылган театр эшлеклесе Камил Саттаровның  тромыш юлы һәм   иҗатына багышланган  бай күргәзмә эшли. Башлангыч сыйныф укучылары күргәзмә буенча эчтәлекле экскурсия уздыралар.

28 февральдә  укучыларыбыз Сәләхетдинов Раяз (җитәкчесе: Муллагалиева З.Г.),Гарипов Ранис (җитәкчесе: Фәттахова Р.Ф) Олы Битаман урта мәктәбендә узган язучы Рафис Корбан иҗатына багышланган бәйгедә катнаштылар.Сәләхетдинов Раяз "Шигырь бәйрәме"номинациясендә 1 нче урын, Гарипов Ранис "Иҗади эшләр" номинациясендә 3 нче урын яуладылар. Укучыларыбызны җиңүләре белән котлыйбыз!Киләчәктә дә уңышлар!