Бүген мәктәбебездә шатлыклы һәм шул ук вакытта моңсу да бәйрәм - "Соңгы кыңгырау" булып узды. Чыгарылыш сыйныфыбызны котларга Мәңгәр күмәк хуҗалыгы җитәкчесе Шәрипов Айдар Габделбәр улы, авыл советы җитәкчесе Хисмәтуллин Вазих Вәлиулла улы һәм Әтнә район советының аппарат җитәкчесе Гәләветдинова Гөлнара Реваль кызы килделәр

18 май - Музей көне. Бүген 8 сыйныф укучылары мәктәбебезнең "Туган якны өйрәнү" музеенда булдылар.

Бүген сыйныфлар чыгышыннан соң сайланып алынган укучылар үз проектларын мәктәпкүләм тәкъдим иттеләр. Кичә ахырында аларга мәктәп дирекциясе исеменнән рәхмәт хатлары тапшырылды.  

Бүген мәктәбебездә ВИЧ һәм СПИДкак каршы укучыларда үзаң тәрбияләү максатыннан #Стоп ВИЧ! Стоп СПИД! дип аталучы флешмоб узды. Флешмоб кысаларында һәр сыйныф хэштеглар белән фотога төшеп икенче сыйныфка СПИД һәм ВИЧ турында нәрсә беләләр, шул турыда мәгълүмат бирделәр. Хэштеглар һәрбер сыйныфта да булып чыктылар. 

Бүген 17 май - Ышаныч телефоны көне. Интернет челтәре аша һәрбер кеше "Бергә ышанабыз!" дип аталучы видеоконференциягә кушыла ала. Сәгате - 10.00-16.00. 

XI Спартакиада кысаларында 12 май көнне Җиңел атлетика буенча уеннар булып узды. Безнең 9 сыйныф укучысы Ахметзянова Айгөл туп ыргыту буенча 1 урынны яулады. Афәрин, Айгөл! Киләчәктә дә уңышлар!

Бүген Мәктәптән тыш эшләр үзәгендә "Пионериягә 95 яшь" дигән зур бәйрәм-чара булып узды. Бәйрәмгә күп еллар вожатый булып эшләгән мөхтәрәм тәрбиячеләр, һәрбер мәктәптән активист укучылар һәм тәрбия эше буенча директор урынбасарлары катнашты.

15 - 20 май аралыгында мәктәбебездә ВИЧ һәм СПИДка каршы профилактик чаралар уздырыла. Бүген һәрбер сыйныфның тәрбия сәгатьләре нәкъ шул темага багышланган иде. 

15 май - гаилә көне. Без аны үзебезнең мәктәбебездә дә билгеләп үттек: тәрбия сәгатьләрендә укучылар сыйныф җитәкчеләр ярдәме белән гаиләнең кеше гомерендә иң мөһим институт булуына төшенделәр; башлангыч сыйныфлар һәм аларның әти-әниләре катнашында "Мама, папа, я - спортивная семья" дигән девиз астында чара узды.