Хәзерге заманда гаилә кыйммәтләренә, шул исәптән җенси тәрбиягә игътибар җитеп бетми. Ата-аналар да мондый темаларга баласы белән әңгәмә кылырга читенсенәләр. Табиб янына да сораулар туган саен бару мөмкинлеге укучылар да әлбәттә юк. Шушы пробелмаларны күздә тотып укучылар өчен табиблар белән очрашу оештырдык. Әтнә районы шифаханәсе табиблары Галиуллина Зөһрә Рамил кызы һәм Яруллин Илдар Шәүкәт улы яшьүсмерләр белән ачыктан ачык сөйләшү үткәрделәр. 

Яшь укытучыларыбыз белемнәрен камилләштерәләр, яңалыкка омтылалар. Остаз укытучыларның дәресләренә йөреп, шомаралар. Биология укытучысы Гыйззатова Айсылу Рафиз кызы 6 нчы сыйныфлар белән "Яфракның тышкы төзелеше" дигән темага ачык дәрес күрсәтте. 

Укытучылар Әтнә авыл хуҗалыгы техникумының актлар залында һөнәри бәйрәмнәрен билгеләп үттеләр. Кичә укытучыларны бүләкләүдән башланып китте. География укытучысы Галиева Рәйсә Равил кызы мәгариф өлкәсендәге хезмәте өчен район Мәгариф бүлегенең мактау кәгазе белән бүләкләнде. 

БДИ да яхшы нәтиҗәләр күрсәткән укучылар әзерләгәне өчен тарих һәм җәмгыять белеме укытучысы Хәкимҗанов Фәнис Хәбир улы район Мәгариф бүлегенең рәхмәт хаты белән бүләкләнде. 

Октябрь ае олкәннәр көне буларак билгеләнеп үтә. Әлеге айда хөрмәтле укытучыларыбызның да һөнәри бәйрәмнәре. Ике бәйрәмне бергә берләштереп, 3 нче сыйныф җитәкчесе Ганиева Люция Фәезхан кызы башлангыч сыйныф укучылары өчен ветеран укытучы Нәҗипова Гөлзада белән очрашу әзерләде. Гөлзада апа үзенең тормыш юлы, укытучы һөнәрен сайлавы, мәктәп еллары, укыткан укучылары турында кызыклы истәлекләр сөйләде. Укучыларыбыз да читтә калмадылар: төрле сораулар бирделәр, укытучылар көне белән котладылар.

Мәктәп территорисендә эшләр тәмамланды, көзге уңыш җыелды. Шул хөрмәткә мәктәпләрдә көзге ярминкәләр, "Сөмбелә" бәйрәмнәре башланып китте. Башлангыч сыйныф укучылар бу бәйрәмне аеруча көтеп ала. Алар яшелчә, җиләк-җимешлшрдән төрле ясалмалар эшлиләр, җыр-бию, кызыклы уеннар үткәрәләр. 2-4 нче сыйныфта укучыларыбыз чарага бик кызыклы итеп, сәхнәләштерелгән бәйрәм кичәсе әзерләделәр. 

Мәктәп территорисен кышка әзерләү максаты белән 8-11 нче сыйныф укучылар өмәгә чыктылар. Алар мәктәп каршын яфраклардан арындырдылар, чәчәкләрне араладылар.

Укуның икенче ае төгәлләнеп бара. Мәктәбебезгә яңа килгән укучылар ияләшеп киләләр. Шулар арасында 1 нче сыйныф укучылары да бар. Сыйныф җитәкчеләре Гатауллина Гөлназ Рахиман кызы аларны хәреф танырга, дөрес язарга өйрәтә, мәктәп кагыйдәләре белән таныштыра. Укучыларның укуга теләкләрен үстерү максатыннан алар өчен төрле чаралар уздырырга тырыша. Шундыйларның берсе - 1 нче сыйныфка кабул итү сборы. Нәниләр бәйрәм барышында шигырьләр сөйләделәр, табышмаклар чиштеләр, җырлар җырладылар һәм иң мөһиме, тырышып укырга, тәртипле булырга, укучы исемен лаеклы күтәрергә ант иттеләр.   

Укучыларыбыз вакытларын бушка уздырмыйлар: тәнәфләрдә, дәресләр беткәч алар өстәл теннисы уйнарга ашыгалар. Шул уңайдан сыйныфлар арасында өстәл теннисы буенча турнир оештырырга уйладык.

Октябрь аеның иң матур истә кала торган бәйрәме - Укытучылар көне. Аны укучылар да, укытучылар да, хаттә әти-әниләр дә зарыгып көтеп ала. Быел да укучыларыбыз әлеге бәйрәмгә тырышып әзерләнделәр. Алар һәр укытучыны котлап, чәчкәләр бүләк иттеләр. Ә иң кызыгы - өлкән сыйныф укучылары укытучы ролендә булып, дәрес бирделәр. Бу алар өчен профориентация юнәлеше буенча эш булды.