25.05.2012 көнне мәктәбебездә 9 нчы һәм 11 нче сыйныф укучылары өчен "Соңгы кыңгырау" чыңлады. Мәктәп үзенең 6 укучысын олы тормыш юлына чыгарды.

19.05.2012 көнне пионер оешмасының 90 еллыгына багышланган "Дуслык" учагында үткәрелгән ярышларда безнең "Ялкын" командасы 3 нче урынны алды, ә Исламгалиева Зәринә барабанчылар арасында үткәрелгән ярышта 2 нче урынны яулады. Команда составындагы барлык укучыларны җиңүләре белән котлыйбыз.

18.05.2012 көнне мәктәбебездә, дәресләрдән соң спорт бәйрәме үткәрелде. Бәйрәмдә төрле спорт төрләре буенча барлык укучылар да көч сынашты.

Әтнә районы башкарма комитеты тарафыннан 18.05.2012, матбугат көне уңаеннан үткәрелгән бәйрәмдә мәктәбебезнең 7 нче сыйныф укучысы Гайнетдинова Алиягә рәхмәт хаты һәм истәлекле бүләк тапшырылды.

16.05.2012 көнне мәктәбебезнең фотбулчы егетләре финалга чыктылар. Ярышта Яңа Шашы, Күңгәр, Әтнә урта мәктәбе командалары һәм Техникум командасы катнашты.

11.05.2012 көнне Республика күләмендә үткәрелгән "Парклар маршы" акциясе иҗат конкурсында актив катнашканы өчен 3 сыйныф укучылары Шагалиева Илүзә, Габдрахманов Динар Диплом белән бүләкләнделәр. Шул ук акция кысаларында үткәрелгән шигырь конкурсында Шагалиева Илүзә 2 урын, рәсем конкурсында Ганиева Роза 3 нче урынга лаек булдылар. Бу уңышлары белән аларны котлыйбыз.

11.05.2012 көнне районда булып үткән спорт бәйрәмендә безнең мәктәп командасы зур уңышлар белән кайттылар.

- Эстафетада - 1 нче урын

- Габдрахманова Илүзә - ядро атуда - 3 нче урын

- Гайнетдинова Алия - 1 км га чабуда 3 нче урын

- Садретдинов Айнур - озынлыкка сикерүдә 2 нче урын

- Валиев Ильяр - биеклеккә сикерүдә 2 нче урын

- Галиев Инсаф - 1 км га йөгерүдә  2 нче урын

10.05.2012 көнне районда үткәрелгән эрудит бәйгесенең финал турында безнең мәктәбебез командасы II урынны алдылар һәм Казанга экскурсиягә бару хокукына лаек булдылар. Бу уңышлары белән аларны чын күңелебездән котлыйбыз.

8.05.2012 көнне Бөек Җиңүнең 67 еллыгына багышланган митинг үткәрелде. Митингта барлык мәктәп укучылары даактив катнашты.

Үткән атнада биология һәм рус теле фәннәреннән атналыклар башланып китте.