12.02.2012 көнне район күләмендә чаңгычылар старт алды. Ярышта балалардан алып өлкән яшьтәгеләргә кадәр бар иде. Көннәр суык булуга карамастан барлык мәктәпләрдән, оешмалардан, больницадан чаңгычылар катнашты. Безнең мәктәптән дә ике ир укытучы һәм бер хатын-кыз укытучы катнашты. Хакимзянова Алсу үз яшьтәшләре арасында III, Сибагатуллин Рафил IV урынга лаек булдылар.

10.02.12 көнне мәктәбебезнең чаңгычылар командасы, район күләмендә үткәрелгән чаңгы ярышында катнашып III урынны алып кайттылар. 11 нче сыйныф укучысы Шакиров Салаватка тиңнәр булмады. Ул  I урын, 7 нче сыйныф укучысы Валиева Алинә II урынга лаек булдылар.

11.02.2012 көнне, безнең мәктәптә район буенча, Ганиев Хөсәен исеменә волейбол ярышы үткәрелде. Мәктәбебезнең волейбол командасы, матур нәтиҗәләр күрсәтеп, IV урынга чыктылар. Егетләребезгә алдагы уеннарда тагын да тырышып уйнарга дип уңышлар теләп калабыз.

10.02.2012 көнне 1 нче сыйныф укучылары, Әлифба бәйрәмнәрен билгеләп үттеләр. Бәйрәмгә әти-әниләр һәм 5 нче сыйныф укучылары чакырылган иде. 1 нче сыйныф укучылары үзләренең осталыкларын төрле яктан күрсәттеләр.