Елдагыча "Батырлык айлыгы" кысаларында мәктәбебездә Аҗаган хәрби-патриотик уены узды. Укучылар "Кызыллар" һәм "Яшелләр" командаларына бүленеп, хәрби-кыр шартларында көч сынаштылар.Нәтиҗәдә Рахимзянова Н. җитәкчелегендәге "Яшелләр" командасы җиңү яулады.

Бүген спорт атналыгы кысаларында Физкультура укытучысы Абдуллаҗанов Р. Г. укучылар һәм укытучылар  арасында волейбол ярышы үткәрде.

Бүген, 27 нче февраль көнне, Күшәр төп белем бирү мәктәбендә, математика укытучылары өчен район семинары булып узды. Укытучылар игътибарына, Мухаметгалиева Эльвира Наил кызы, 7 нче сыйныфта ачык дәрес үткәрде. Соңыннан, түгәрәк өстәл артында, бу дәрескә анализ ясалып уңай бәяләнде.

Сәламәт яшәүнең иң ышанычлы ысулы-спорт белән шөгыльләнү.

Укучылар "Солдатта булган диләр" дип аталган фотостендта әтиләренең армия сафларында хезмәт итү вакыйгалары белән дә уртаклаштылар.

Бүген мәктәбебездә чаңгы ярышы узды. Барлык укучылар да бик теләп катнаштылар.

1-9 классларда “Дөньяда иң-иң матур тел,ул минем туган телем” темасында сыйныф сәгатьләре уздырылды,презентация каралды,җырлар җырланды.

5-9 нчы сыйныф укучылары арасында грамоталы язу бәйгесе уздырылды. Хисамиева Сөмбел(5кл.), Габдрахманова Рәмзилә (7 кл.) – иң грамоталы язучылар.

“Грамоталы язу” бәйгесе.

Совет гаскәрләренең Әфганстаннан чыгарылуына 30 ел тулу уңаеннан бик эчтәлекле очрашу уздырылды. Чарада безнең авылыбыздан Әфган сугышында булып кайткан Шакиров Илдар һәм Аскаров Ирек абый катнаштылар.