Рус теле атналыгы кысаларында 5-8 нче сыйныф укучылары "Лингвистический футбол" уенында көч сынаштылар.

Мәктәбебездә рус теле атналыгы бара, атналык кысаларында рус теле һәм рус әдәбияты укытучысы Юсупова Г. Г. 7-8 сыйныф укучылары арасында рус әдәбиятыннан "Своя игра" дип исемләнгән әдәби чара үткәрде. Нәтиҗәдә 7 нче сыйныф укучысы Хашимова Рүзилә җиңүче дип билеләнде.

Башлангыч сыйныфлар укытучысы Вәлиева Г.Р. "Ел укытучысы-2019" конкурсының финал өлешендә катнашып район күләмендә мастер-класс күрсәтте. Ул "Ел укытучысы-2019" республика конкурсының муниципаль этабының лауреат исемендәге грамотасы һәм истәлекле бүләге белән бүләкләнде. Хезмәттәшебезне зур һөнәри уңышы белән котлыйбыз .

Кышкы каникуллардан соң укучылар III уку чирегенә керештеләр.

7 нче январь көнне XIII спартакиада кысаларында безнең укучылар өстәл тенисы ярышында катнашып кайттылар. Кызлар арасында 7нче сыйныф укучысы Садретдинова Л. 3 нче урынны яулады. Котлыйбыз укучыбызны.

Бүген мәктәптә ата – аналар җыелышы үткәрелде. Көн тәртибендә 2 чирек йомгаклары, район олимпиадалары һәм конкурс нәтиҗәләре, төп дәүләт имтиханнарына хәзерлек, укучыларның ашханәдә туклануы кебек мәсьәләләр каралды. Җыелышта шулай ук кыту-тәрбия эше буенча белем бирү сыйфаты нәтиҗәләре, сәләтле балалар белән эшләүнең педагогик-психологик үзенчәлекләре, хокук бозуларны кисәтү буенча профилактик чаралар, укучы балаларның рухи, физик һәм акыл сәламәтлекләрен саклау чаралары, интернет һәм башка социаль челтәрләрдә эшләүнең куркынычсызлык кагыйдәләре  турындагы мәсьәләләр каралды, Соңыннан ата-аналар үзләрен кызыксындырган сорауларга җавап алдылар.Гомуми өлешеннән соң җыелышлар классларда дәвам иттелде.

Укучыларыбыз  бүгеннән башлап кышкы каникулга киттеләр.