Мәктәбебез укучылары шәфкатълелеккә багышланган чарада актив катнашып балалар йортларына ярдәм йөзеннән бәйләнгән бияләй, оекбашлар җыеп тапшырдылар. 

Башлангыч сыйныфлар атналыгының беренче көне.  "Тарих битләрендә - Яңа  ел" дип аталган кичәдән укучылар күп кенә кызыклы мәгълүмат алдылар.

"1 декабрь - СПИДка каршы көрәш" көне уңаеннан  мәктәбебездә бердәм тәрбия сәгатьләре узды.5-9сыйныф укучыларына сыйныф җитәкчеләре СПИДның нинди куркыныч чир икәнен һәм аның нинди нәтиҗәләргә китерүен аңлаттылар, тормышка куркыныч янаучы аянычлы хаталар ясаудан сак булырга кирәклеген әйттеләр.

Бүген мәктәбебезнең 9 нчы сыйныф укучысы Рәхимҗанова Нәзилә "Замечательный вожатый" конкурсының район турында катнашып, катнашучы сертификатына лаек булды.

Бүген Күшәр төп белем бирү мәктәбендә татлы ярминкә үтте. Барлык укучылар да бу акциядә  бик теләп катнаштылар

Күшәр төп мәктәбендә ГТО нормаларын тапшыру булды. Һәркем бу җаваплы эшкә җитди карады. Нәтиҗәдә югары уңышларга ирештек.

Мәктәбебездә әниләр көне билгеләп үтелде, укучылар әниләренә багышлап матур шигырьләр иҗат иттеләр. Классларда әниләргә багышланган сыйныф сәгатьләре үткәрелде.

Аксубайда Бөтенроссия проекты кысаларында мини-футбол буенча ТР Беренчелегенең финал уеннары үтте. Финал уеннарына зональ ярышларда яхшы нәтиҗәләр күрсәткән командалар җыелды. Бу ярышта 22 команда көч сынаша. Безнең Әтнә егетләре бу ярышта 3 нче урынны яулап кайта. Җиңүчеләр арасында безнен мәктәп укучылары да бар:Хайруллин Ислам һәм Садретдинов Ильяс. Аларны бу җиңүләре белән котлыйбыз.

Хәзерге вакытта террорчылык иң куркыныч  һәм алдан фаразлап булмый торган  күренешләрнең берсе. Ул төрле урыннарда төрле формаларда оештырылырга мөмкин. Сизгерлекләрен югалткан очракта  террорлык  актларында  кешеләр корбан була! Зинһар, игътибарлы булыгыз!

Көзге боз көзге калынлыгы гына булса да ышан, дисә­ләр дә, көчле салкыннар башланмыйча сулыкларда боз ныгымый. Кичке һәм төнге вакытта боз зур булмаган авырлыкны чыдата, ә көндезләрен кояш нурлары тәэсирендә ул көпшәкләнә, йомшаклана.  Беренче боз хасил булу белән балаларның хоккей уйнау һәм шугалакта шуу теләге барлыкка килә. Бүген мәктәбебездә шушы темага карата  сыйныф сәгатьләре үткәрелде.