Сау бул "Әкият" лагере.

Бүген бездә Сабантуй!

Лагерьга балалар белән очрашуга Әтнә районы электр челтәре хезмәткәрләре килде.Алар электр куркынычсызлыгы кагыйдәләрен кабат искәртеп киттеләр, викторина һәм ярышлар уздырдылар, бүләкләр дә тапшырдылар. Очрашу күңелле һәм бик эчтәлекле булды.

Бүгенге көн Пионерия тарихына багышланды. Пионерлар оешмасына 96 ел тулу уңаеннан укучылар белән әңгәмә уздырылды, пионер җырларын һәм уеннарын өйрәндек.

Бүген Югары Көек авылына "Габдуллаҗан урманы"на бардык. Габдуллаҗан абый бик кызыклы итеп урмандагы үсемлекләр, агачлар һәм кошлар дөньясы турында сөйләде.Бу бик күңелле һәм эчтәлекле очрашу булды.

"Ашыт" буена походка чыктык, уеннар уйнадык, күңелле ял иттек.

Бүгенге көн дүрт аяклы дусларыбыз -  йорт хайваннары һәм җәнлекләренә багышланды. Балалар  хайваннар һәм җәнлекләр дөньясы турында видеофильм карадылар, үзләренең яраткан йорт хайваннары турында хикәя төзеделәр.

Эзтабарлар көне. Бүген лагерьда җәйге "Аҗаган" уздырылды. Балалар билгеле бер маршрут буенча йөреп хәзинә эзләделәр, палатка кору серләренә төшенделәр.

Бүгенге көн "Хәтер көне" буларак үтте. 1812 нче елгы Ватан сугышы турында укучыларга мәгълумат бирелде, видеофильм буенча әңгәмә уздырылды

"Россия көне"н билгеләп үттек. "Россия - безнең Ватаныбыз!" дип аталган чаралар уздырылды.