1 нче октябрь - Өлкәннәр көне. 
Көзләр җитте диеп моңаймагыз,
Мәңге горур булып калыгыз.
Кояш кебек янып яшәгез сез,
Йолдыз булып балкып яныгыз!

24 сентябрьдә көзге табигатькә экскурсия ясадык. Агачларны, кошларны, һава торышын күзәт

17 сентябрь көнне "Китап - белем чишмәсе" темасына сөйләм телен үстерү шөгыле бакчабыз белән бер бинада урнашкан авыл китапханәсендә узды. Балалар беррәттән яңа китаплар һәм журналлар белән дә таныштылар.

12 июль көнне бакчабызда полиция хезмәткәрләре булып киттеләр. Алар белән тагын бер юл йөрү һәм велосипедта хәрәкәт итү кагыйдәләрен, автомобильдә бары тик махсус утыргычта гына утырырга кирәклеген искә төшердек. Кунаклар балаларга истәлек-кулланмалар өләштеләр, бакчабызга юл билгеләре җыелмасы һәм пазллар бүләк иттеләр. Очрашу күңелле тәэсирләр калдырды.

"Сабан туе, Сабан туе,
Без бакчада уйныйбыз.
Ярышабыз, узышабыз, 
Матур җырлар җырлыйбыз.
Иң өлгерләр, иң җитезләр
Бүләк яулап алалар.
Бөтен җирдән җыелганнар
Сабантуйга балалар."
25 июнь көнне бакчабызда Сабантуй бәйрәме булып узды.

1 нче июнь - Балаларны яклау көне. Балалар сау-сәламәт һәм бәхетле булсыннар!

"Җиңү килде җирне нурга күмеп,
Шатлык белән күзне чылатып!.."
9 май - Бөек Җиңү көнен билгеләп үттек. Түбән Көек авылында урнашкан мемориал  һәйкәл янында булдык. Балалар Җиңү, Бөек Ватан сугышы турында мәгълүмат алдылар. 
"Сугыш- куркыныч һәм дәхшәтле сүз,

Аңа бәйле күпме күз яше.

Без яшәгән шушы җир шарының

Борынгыдан килгән афәте.

Тарихлардан укып беләбез без,

Нинди вәхшилекләр булганын,

Бөек Ватан, дөнья сугышлары,

Күп илләрне җимереп узганын."

Бүген бакчабызда "Ачык ишекләр көне" үтте. Мәктәпкә керүче балаларның әти - әниләре һәм беренче укытучылары чакырылды. Балалар укытучыларына һәм әти - әниләренә белемнәрен һәм үз һөнәрләрен күрсәттеләр. 

26 апрель - халкыбызның бөек шагыйре Габдулла Тукайның туган көнен билгеләп үттек.