12 апрель - Космонавтика көнен билгеләп үттек. Балалар космос турындагы белемнәрен ныгыттылар, космонавт булыр өчен сәламәт булырга, күп укырга һәм махсус әзерлек үтәргә кирәклегенә төшенделәр.

29 нчы март көнне бездә “Ике дәүләт телен өйрәнүдә һәм уен эшчәнлегендә  ФДББС ны тормышка ашыру шартларында укыту—методик комплектларын куллану” темасы буенча балалар бакчалары мөдирләре өчен район семинары булып узды. Бакча белән танышу һәм кунакларны сәламләүдән соң, “Сөйләм үсеше” буенча зурлар һәм мәктәпкә әзерлек төркемендә рус теленә өйрәтү буенча “Путешествие друзей по городу” темасына белем бирү эшчәнлеге каралды. 2018 нче ел - Татарстанда Л. Н. Толстой  елы  уңаеннан, «Өч аю» әкияте татарча сәхнәләштерелде. Мәгариф бүлеге методисты Айзирәк Галиева катнашында семинарга нәтиҗәләр ясалды.

22 нче февраль көнне бакчабызда Ватанны саклаучылар көненә багышланган бәйрәм иртәсе булып узды. Әтиләр белән кызыклы уеннар уйнап, җырлап-биеп күңел ачтык. Аларга үз кулларыбыз белән ясалган очкычлар бүләк иттек.
"Батыр һөнәр бар җирдә -
Җирне, илне саклаучы. 
Сине, мине – һәркемне 
Дошманнардан яклаучы."
Бәйрәм белән кадерле әтиләр, бабайлар, абыйлар!

23 нче февраль - Ватанны саклаучылар көне уңаеннан "Солдатта булган диләр..." дип исемләнгән фото-күргәзмә ясалды. Анда армия сафларында хезмәт иткән әтиләр һәм бабайларыбызның истәлекле фотосурәтләре урнаштырылды.

"Татар теле минем, туган телем,
Сөйләшүе рәхәт ул телдә.
Шул тел белән көйлим...
Шул тел белән сөйлим
Милләттәшем булган һәркемгә..."
 21 нче февраль - Халыкара Туган тел көнен билгеләп үттек.

15 февраль - герой шагыйрь Муса Җәлил туган көн. Бу көнне "Муса абый - балаларның якын дусты" дип исемләнгән әдәби кичә булып узды. Яраткан шагыйребезнең иҗатында кунакта булдык. Аның шигырьләре табигатьне яратырга; туган илне, Ватанны сөяргә, аңа тугрылыклы булырга өйрәтә.

Бакчабызда "Яшел  Ут "конкурсы булды. Балалар юл кагыйдәләре буенча белгәннәрен күрсәттеләр.