Кышкы каникуллардан соң көч туплап, тырышып укырга дип килдек...

Барыгызны да якынлашып килүче Әтәч елы белән котлыйбыз. Бәхет-шатлыклар, сәламәтлек, тынычлык, тигезлек, гаиләгездә иминлек телибез.

Еллар шулай үтә торсын,
Яңалары кабат килсен.
Елның һәрбер үткән көне,
Тик бәхет — шатлык китерсен.

Күңел ап-ак йомшак булсын,
Теләкләр гел актан булсын!
Табыныбыз мулдан булып,
Шау — гөр килеп гөрләп торсын!

Фән олимпиадаларының муниципаль этабында мәктәбебез укучылары 8 призлы урын яуладылар: 4 сыйныфтан Әлфис 3 призлы  урын, 9 нчы сыйныфтан Гөлсөя 2 призлы урын, 5 сыйныфтан Әсхәт, 6 сыйныфтан Язгөл, 4 сыйныфтан Айзилә 1 әр урын алдылар. Яңа ел бәйрәмендә бу укучыларга һәм "4"кә, "5"кә укучы балаларга Рәхмәт хатлары тапшырылды. 

Бүген мәктәптә 1-9 нчы сыйныфларның Яңа ел бәйрәме үткәрелде. Бәйрәм бик күңелле, җыр-биюгә, маскаларга бай булды.  

7-9 сыйныф укучылары өчен "Начар гадәтләрдән ерак йөр!" исеме астында тәрбия дәресе үткәрелде. 

Бүген укучыларыбыз Чепья мәдәният йортында узачак "Йолдызлык" фестиваленең зона этабында чыгыш ясаячак. Биюче кызларыбызга һәм курайчы егетләребезгә зур уңышлар телибез.

4 нче сыйныф укучысы Гарипов Әлфис олимпиадаларның муниципаль этабында ОБЖ фәне буенча призер булды. Молодец Әлфис! Укытучысы - Гобәйдуллина Ф.Ә.

Бүген 5 нче сыйныф укучылары математикадан контроль эш эшләделәр.

4 нче сыйныф укучысы Гарипов Әлфис рус теле буенча олимпиадада призер булды. Әлфисне бу зур уңышы белән котлыйбыз, сәламәтлек, яңа җиңүләр телибез. Укытучысы: Гобәйдуллина Ф.Ә.

Фән олимпиадаларының муниципаль этабында математика буенча призер булган 4 нче сыйныф укучысы Гарипов Әлфисне һәм 6 нчы сыйныф укучысы Шәйхиева Язгөлне, укытучылары Гобәйдуллина Ф.Ә., Фәләхов Г.Г.ларны чын күңелдән уңышлары белән котлыйбыз. Алга таба да зур үрләр яуларга язсын.