Уку елы тәмамланды, алда җәйге каникуллар, җиләкле тау битләре, су коенулар көтә!

Әле ерак, дип йөргән имтиханнар бирү вакыты да килеп җитте.  Бүген 9 нчы сыйныф укучылары информатика һәм җәмгыять белеменнән имтихан бирергә киттеләр.

Кыңгыраулы мәктәп елларына,

Алып кайта барыр юлларым.

Укытучы апам дәшә сыман

Улларым, сез минем, кызларым.

31 нче май - тәмәкегә каршы көн уңаеннан 7 - 8 нче сыйныфларда  Гарипова Л.Р. тәмәкенең зыяны турында тәрбия дәресе үткәрде. 

Полиция хезмәткәрләре укучылар белән очраштылар, аларга җәйге каникул чорында тәртипләрне аңлаттылар.

Бүген бөтен мәктәп белән бәйрәм иттек: урманда сабан туй үткәрдек, уйнадык, ярыштык.

18 нче май көнне район мәдәният йортында узган һөнәрләр күргәзмәсендә Йосыпова Алсу һәм Мортазина Гөлшат "Бисероплетение" номинациясендә җиңүче дипломы белән бүләкләнделәр.

Предмет олимпиадаларында берничә җиңү яулаган укучылар арасында уздырылган "Талантлар парады"нда 5 нче сыйныф укучысы Шәйхиева Язгөл катнашты һәм Рәхмәт хаты белән бүләкләнде.

Башлангыч сыйныф укучылары өчен Гаилә көненә багышлап "Тату гаилә - бәхет нигезе" исеме астында кичә үткәрелде.

Гаилә көненә багышлап сыйныфларда әңгәмәләр уздырылды.