Кадерле укытучылар, укучылар!4 ноябрь – Бердәмлек көнебезнең татар халкына хас сыйфат бу. Нәкъ менә бердәмлек, татулык күп кенә авырлыкларны җиңеп чыгарга, дошманнарны җиңәргә мөмкинлек биргән. Нәкъ менә шушы бердәмлек безнең илебезнең тынычлыгына, мөстәкыйльлегенә китергән. Сезне бәйрәм белән котлыйбыз. Барыгызга да тазалык, саулык, зур уңышлар телибез.

Без технология дәресен яратабыз. Үзебез үстергән уңыштан тәмле салат ясап ашадык.

Бүген мәктәбебездә "Көзге уңыш" бәйрәме булды. Балалар үзләре әзерләгән костюмнарын якладылар, төрле уеннарда көчләрен сынаштылар. Бәйрәм бик күңелле булды.

Мәктәп бакчасында, дуслар,

Тырыш хезмәт куйдык без.

Уңышлар да куандырды,

Сау-сәламәт булыйк без.

ГАИ начальнигы Ф. Т. Шәфигуллин бездә кунакта булды. Ул 1 нче сыйныф укучыларын юл йөрү кагыйдәләре белән таныштырды, истәлек бүләкләре калдырды. Ә укучылар, сораулар биреп, үзләренең белемнәрен баеттылар. 

Бүген мәктәбебездә бакча балалары һәм укучылар өчен Корбан ашы уздырылды. Башта авылыбыз хаҗиясе Гүзәл апа Корбан гаетенең килеп чыгу тарихы белән таныштырды. Бергәләп тәкъбир әйттек. Аннары авылыбыз эшмәкәрләре биргән корбан итеннән пешерелгән пылау белән сыйландык. Корбан бәйрәме мөбарәк булсын!

Хөрмәтле укытучылар!!! Сезне Укытучылар көне белән котлыйбыз. Укучыларыгызның рәхмәтләренә төренеп, аларның ярдәмен тоеп яшәргә насыйп булсын. Атачак таңнарыгыз – аяз, туасы көннәрегез – кояшлы, төннәрегез - тыныч, сәламәтлегегез нык булсын.

Кирәк чакта җитез дә син, тапкыр да син

Кирәк чакта сабыр да син, батыр да син.

Бик җаваплы, авыр синең хезмәтең дә,

Тиешенчә күрсәң иде хөрмәтен дә.

1 нче октябрь көнне балалар бакчасында үзебезнең яраткан әби-бабайларыбызны чакырып кунак иттек. Аларны матур шигырь һәм җырларыбыз белән тәбрик иттек. Тәмле чәй белән сыйладык. 

Кадерле әби һәм бабайлар!

Өлкәннәр көне белән!

Сәламәтлек ташламасын сезне,

Һәр көнегез үтсен шатлыкта,

Яшәү яме, дөнья иминлеге

Юлдаш булсын сезгә картлыкта.

Хөрмәтле тәрбиячеләребез! Сезне бәйрәмегез белән котлыйбыз.

Рәхмәт сиңа, тәрбияче апам,

Ничә еллар безне үстердең, 

Бар көчеңне кызганмыйча,

Күпме гомереңне уздырдың.

Җәй, чәчәкле-бизәкле яшел яулыгын болгап, туган җирдән китеп бара. Иртәләрен иңкүлекләрне, елга буйларын томанга төреп, алтын көз килә. Сентябрнең йөгерек, салкынча җилендә агачлардан, әйтерсең лә, сары тәңкәләр коела. Менә шушы матурлыкны күзәтергә дип, биштәрләребезгә тәм-томнар салдык та сәяхәткә чыгып киттек. Усаклар, шомыртлар карасу-кызыл яфраклары белән купшыланып утыра. Өрәнге-чаганнар да алтынсу күлмәк кигән. Эт шомырты ачык яшел шәл бөркәнгән. Урман аллы-гөлле төскә кергән.

Куркынычсызлык айлыгына зур әзерлек белән эшкә керештек. Әлеге айлыктан бер генә кеше дә читтә калмаячак.