Сөекле шагыйребезнең бәйрәменә мәктәп укучылары ай дәвамында әзерләнә килделәр. Кул эшләре, рәсемнәр, шигырьләр иҗат итеп, Г.Тукай турында тагы да тирәнтен белем тупладылар. Шигырь сөйләү конкурсында үзләрен күрсәттеләр. Бүген барлык төр эшчәнлекне йомгаклап айлыкка нәтиҗә ясалды, катнашучы укучылар бүләкләнде.

Бакча балалары Г.Тукай туган көнен каршылап "Тукай бәйрәме"  үткәрделәр. Бәйрәмгә әкият геройлары, укучылар кунакка килгән иде. Күңелле уеннар, җырлар, шигырьләр белән бәйрәм һәркем күңеленә хуш килде. 

Г.Тукай иҗатына багышлап үткәрелгән рәсем конкурсына йомгак ясалды. Укучылар бик актив катнашып, берсеннән- берсе матур, эчтәлекле эшләр иҗат иттеләр. Афәрин, укучылар!

Башлангыч сыйныф укытучысы Ромия Габдельфәрт кызы, КФУ студентлары үтенече буенча,  әдәби уку дәресе күрсәтте.

Бакча балалары бу атнаны рус телендә сөйләшеп башладылар. "Русча да яхшы бел, татарча да яхшы бел" проекты кысаларында төрле кызыклы дәресләр, уеннар, чаралар планлаштырыла.

Мәктәп укучылары атна дәвамында "Математика" фәне турында, бөек шәхесләре турында фикер алышып, әниләрне дәресләргә дәшеп күп кенә күңелле мизгелләр кичерделәр һәм шактый белем тупладылар. Атналыкка йомгак ясап "Математик КВН" кичәсе уздырылды һәм  җиңүчеләр бүләкләнде.  

Табигать җанлана: яз хәбәрчеләре кара каргалар килде, саесканнар, чәүкәләр оя барлый, кыш буе күренмәгән песнәкләр пәйда булды. Мәктәп укучылары бу көннәрдә берсеннән-берсе матур сыерчык оялары ясау белән мәшгуль. 

Әниләр, әбиләр, апалар, кызлар бәйрәме бездә традиция буларак һәр ел саен иҗади- отчет концерты итеп зурлап үткәрелә. Мәктәп- бакча коллективы белән берлектә үткәрелгән бу бәйрәм һәркем күңеленә хуш килеп, ел дәвамында истә калырлык күркәм чара булып калды.  Әниләрнең, әбиләрнең күңел җылысы салып пешергән тәмле ризыкларыннан үткәрелгән ярминкә гөрләп торды.