Зурлар төркеме балалары әти-әниләр белән берлектә Бөек Җиңүнең 70 еллыгына багышлап рәсемнәр, аппликацияләр ясауда актив катнаштылар.

Белем бирү учреждениесенең уртанчылар һәм өлкән мәктәпкәчә яшьтәге төркем балалары Балтач мәдәният үзәгендә  Туфан Миңнуллин әсәре буенча куелган "Авыл эте  Акбай"  дип исемләнгән  музыкаль әкият карадылар. Спектакльне балаларга Г.Камал исемендәге Татар дәүләт Академия театры артистлары куйды. Театрны балалар бик җылы кабул итте. Туган кичерешләре, шатлыклары белән кайткач  әти-әниләре белән дә уртаклаштылар, бергәләп рәсем эшләреннән күргәзмә оештырдылар.

Тиздән Бөек Җиңүнең 70 еллыгы якыная. Әлеге уңайдан Бөтенрәссәй "Язгы рухлану" - "Җиңүгә 70 ел!" дип аталган рәсем эшләре конкурсында II кечкенәләр төркеме балалары үзләренең иҗади сәләтләрен сынап карадылар. Нәни генә булсалар да, нәтиҗәсе сөенерлек - I урынга лаек булдылар һәм дипломнар белән бүләкләнделәр.

Бүген балалар бакчасында көлке көне уңаеннан күңелле чара узды. Шаян клоун фокуслар, Акбай күңелле уеннар алып килгән иде.

“Язгы тәҗрибәләр. Бүлмә гөлләре” проекты кысаларында зурлар төркеме балалары фиалка гөле үсентеләрен күчереп утырту алымнары белән танышты.

Белем бирү учреждениесендә бүген көн аеруча җанлы башланды. Ишекне ачып керүгә балаларны татар халкының җыр һәм моңы каршы алды.  Яз хәбәрчеләре – кара каргаларны каршы алу хөрмәтенә  “карга боткасы” пешерүгә дә алдан хәстәрлек күрелде, уен-көлкеле матур гореф-гадәтләр белән май һәм ярмалар җыелды. Ботка пешкән арада балалар  Нәүрүз кызына кунакка бардылар,  төрле музыкаль сәләтләрен күрсәттеләр, үзләрен уеннарда сынадылар.

Бөек Җиңүнең 70 еллыгын билгеләп үтәргә дә санаулы вакыт калып бара. Мәктәпкәчә белем бирү учреждениесендә әлеге истәлекле вакыйга уңаеннан балалар  белән  патриотик тәрбия бирү юнәлешендә төрле чаралар,  тематик күргәзмә һәм почмаклар оештырыла. Шуларның берсен –  “Мәңгелек ут янында” дип атадык.

    На открытом занятии по русскому языку дети подготовительной группы отправились на поиски солнечных лучиков на облаках. Благодаря своим знаниям, выполняя различные занимательные задания, они сумели вернуть солнышку лучики, сделав тем самым доброе дело.

Мәктәпкә әзерлек төркеме балалары математика шөгылен бик яраталар. Тәрбияче апалары Елена Петровна аларны "мәсьәләләр иле" нә алып барды. Шулай кызыклы математик биремнәр, башваткычлар чишеп алар мәктәпкә укырга барырга әзерләнәләр.  

Табигатьтә яз хакимлек итә. Кара каргалар безнең якларга яз җитү хәбәрен алып килделәр инде. Тиздән сыерчыклар да килеп җитәр. "Без аларны каршыларга әзер инде" - диләр 2 нче кечкенәләр төркеме нәниләре. Аларның әтиләре бик матур сыерчык оялары ясап алып килеп сөендерделәр. Зур рәхмәт аларга!