Мәктәпкә әзерлек төркеменә йөрүче Мухаматгалиев Сәит Балтач муниципаль районы “Балалар - яшь үсмерләр спорт мәктәбе” нә йөреп бокс серләрен өйрәнә. Кечкенә генә булса да саллы гына уңышлары да бар инде. Апрель аенда узган  “Хәләл” индустриаль парк призына уздырылган бокс ярышында I урынга лаек булган, Диплом белән бүләкләнгән. Афарин, Сәит! Алда да җиңүләрең күп булсын, котлыйбыз.

“Табигать белгечләре” дип исемләнгән бөтенрәсәй экологик викторинасында катнашып мәктәпкә әзерлек төркеменнән Мухаматгалиев Сәит һәм Муртазина Адилә лауреат исеменә лаек булдылар,  дипломнар белән бүләкләнделәр. (оештыручы-координатор – тәрбияче Гилязутдинова И.В.) Котлыйбыз, балалар, Сезне!

II кечкенәләр төркемендә проект "Үсемлек дөньясын өйрәнү" рәсем эшчәнлегеннән башланып китте. Тема: "Үги ана чәчәк ата"

Зурлар төркеме балалары әти-әниләре белән бергәләп  Г.Тукай әкиятләре буенча рәсемнәр ясап алып килделәр. Гаилә белән бергәләр ясалган рәсемнәр бик эчтәлекле, зәвыклы килеп чыккан иде. Төркем тәрбиячеләре –Хазиева Е.П., Галимуллина Г.М. лар бик матур күргәзмә оештырды.

2 кечкенәләр төркеме балалары (тәрбиячеләр: Галимуллина Л.Г., Хазиева А.Р.) әти-әниләре белән бергәләп Г.Тукай әкиятләрен бергәләп укырга, аларны рәсемнәрдә чагылдырырга бик яраталар.  Балалар бакчасында узган Г.Тукайның туган көн бәйрәменә дә алар әкиятләр буенча бик матур рәсемнәр ясап алып килделәр. Рәхмәт аларга. 

Апрель ае белем учреждениесендә  “Туган тел ” айлыгы дип игълан ителү белән педагогик коллектив алдан төзелгән планга таянып максатчан чаралар үткәрде. Айлыкта коллективның бер генә кешеседә читтә калмады. Педагоглар, балалар, әти-әниләр – һәрберсе үзенең мөмкинлегеннән, иҗатыннан, сәләтеннән чыгып өлешен кертте. “Туган тел” айлыгы Г.Тукайның 128 еллыгы уңаеннан уздырылган бәйрәм иртәсе белән йомгакланды.   

Яз җитү белән балалар бакчасы коллективы үзенең территориясен, якын-тирә урамнарны чуп-чардан җыештыру эшендә зур активлык күрсәтә. 

24 апрель  көнне  Балтач мәдәният үзәгендә Г.Тукайның туган көненә багышланган республика күләмендә мәдәни чара уздырылды. Безнең балалар бакчасы балалары “Су анасы” әкитенең сәхнәләштергән күренешен күрсәттеләр.  Нәни артистларга “Әфарин, булдырдыгыз!” - дибез, чөнки алар башкарган күренеш тамашачылар күңеленә хуш килде.  Балалар бакчасы коллективы сертификат һәм Грамота белән бүләкләнде.

Апрель аенда район мәктәпкәчә белем учреждениеләре арасында “Г.Тукай әсәрләрендәге яраткан геройлар”  исемле сәхнәләштерелгән күренешләр конкурсы игълан ителде.  Зурлар төркеме балалары бик тырышып “Су анасы” әкитен сәхнәләштерергә өйрәнделәр. Тырышлыклары юкка китмәде – район буенча I урынны алдылар. (тәрбиячеләр: Хазиева Е.П., Галимуллина Г.М., Валиева Л.Э, музыка җитәкчесе: Юсупова У.З.) Әфарин, балалар! Әфарин, апалар! 

Ел фасылы апрель аен без бик сагынып көтеп алабыз. Әлеге ай безгә үзенең сайрар кошларын, шау-шулы гәрләвекләрен, җылы көннәрен генә  генә түгел, татар халкын бөтендөньяга таныткан бөек шагыйрь Г.Тукайны да бүләк иткән ай. Балалар бакчасында “Туган тел” айлыгы кысаларында Г.Тукай иҗатына багышланган бик күп чаралар үткәрелә. Шуларның берсе – “Тукай әкиятләре бездә кунакта” – педагогларның кул эшләре күргәзмәсе.