Россия Президенты Указы нигезендә янәдән илебездә “Хезмәт һәм оборонага әзер” (ГТО) нормативлары - физкультура –спорт комплексы  гамәлгә кертелде. ГТОның нигезендә сәламәт яшәү рәвешен пропагандалау ята. Хәзер мәктәптә укучы һәр сәламәт укучы ГТО нормалары тапшырырга тиеш. Бүген ГТО нормаларын уңышлы тапшырган укучыларга таныклыклар тапшырылды һәм  кабат әлеге нормаларны тапшыруның әһәмияте аңлатылды.

Әниләр көне уңаеннан район хатын-кызлар оешмасы җитәкчесе Хакимҗанова Фирая Котдусовна һәм лаеклы ялдагы гинеколог Зөхрә Галиевналар 8-11 сыйныф кызлары белән очрашу уздырдылар.

Тарих атналыгы кысаларында 9-11 сыйныфлар арасында КВН узды. Уенда 3 команда катнашты. Командалар визитка, өй эше, сораулар эзерләделәр. Нәтиҗәдә 10 сыйныф командасы 1 урынны алды, ә 9 һәм 11 сыйныф командалары 2 урынны яуладылар.

Мәктәптә тарих атналыгы дәвам итә. Буген  мәктәп күләмендә "Ил тарихы-минем тарих" дип исемләнгән  телдән журнал уздырылды. Журналның һәр бите аерым тарихи даталарга багышланган иде.

"Хыял" балалар оешмасында эзтабар бәйрәме узды. 2 сыйныф укучылары Татарстан Варислар Берлеге членнары  булдылар. Бәйрәмгә килгән Убырлылар укучыларга зур сынаулар әзерләгәннәр иде. Почта таратучы Печкин китергән, сихерләнгән посылканы ачу өчен икенчеләргә күп көч түгәргә туры килде.  Укучыларның тырышлыгы белән посылка ачылды, ә аңа эзтабар билгеләре салынган булып чыкты. Икенчеләргә эзтабар билгеләрен өлкән этабарлар, дүртенчеләр, тактылар. Бәйрәм күңелле узды.

Тарих атналыгы кысаларында "Кече олимпия" уеннары уздырылды. Уеннар башында олимпия уеннары тарихына багышланган нәни викторина узды, олимпия факелын кабул итү тантанасы булды, икенче өлештә ярышлар уздырылды.Уеннарда 4-5 сыйныфлар катнашты.

Мәктәп күләмендә тарих атналыгы башланды. Иртәнге линейкада 10 сыйныф укучылары башлангыч сыйныфлар белән берлектә атналыкны ачып җибәрделәр. Алар атналыкның планы белән таныштырдылар һәм укучыларны булачак чараларда актив катнашырга чакырдылар.

"Дети России" акциясе кысаларында 5- 11 сыйныф укучыларына кинофильм күрсәтелде. Кинофильмда наркотикларлар белән бәйләнешнең аяныч нәтиҗәләре күрсәтелде.

Мәктәбебезгә район полиция бүлегеннән Накипова Раушания Ленаровна килде.Ул  5-8 сыйныф укучылары белән әңгәмә уздырды.Әңгәмә барышында укучылар өчен кагыйдәләр искә төшерелде, тәртип бозу очракларында укучыларның нинди җаваплылыкка тартылулары аңлатылды. Очрашу ахырында укучыларны кызыксындырган сорауларга җаваплар бирде.

Мәктәбебездә дәвамчанлык буенча район күләмендә практик семинар узды. Әлеге семинарда 4 һәм 5 сыйныфларда әйләнә-тирә, технология, физкультура, тарих фәннәреннән дәресләр күрсәтелде.