Май аеның ямьле бер көнендә мәктәп - бакча балалары һәм хезмәткәрләре табигать кочагында ял иттек: табын кордык. Апалар пешергән уха белән сыйландык. Тамак туйгач, күңелле уеннар оештырдык.

Экология елы кысаларында туган авылыбыз чишмәләренә экскурсияләр оештырабыз. Чираттагы экскурсиябез" Саз" чишмәсенә иде. Чишмәнең саф сулы көмеш суын эчеп, бакчага да алып кайттык.

Тарихны барлап, бу көнне Пионер туган көн буларак искә алып үтәбез.Күнегелгәнчә табигатьтә, саф һавада табын кордык, күңелле һәм мавыктыргыч уеннар оештырдык. 

Мәктәп - бакча янындагы өйрәнү - тәҗрибә участогыннан ел саен мул уңыш алына. Уңышның нигезе яздан салына. Ата - аналар ярдәме белән яшелчә бакчасы эшкәртелеп, түтәлләр күтәрелә. Бергә эшләү җиңел һәм күңелле.

Мәктәп - бакча балалары Бөек Җиңүнең 72 еллыгына багышланган митингта катнаштылар. Алар үзләренең чыгышларында сугыш темасына багышланган шигырьләр һәм җырлар башкардылар.

Бүген мәктәп - бакчада чираттагы медосмотр узды. Участок педиатры Смагин К. С. балаларның сәламәтлеген тикшерде, рекомендацияләр бирде.

Яз ае үзе белән кичектергесез эшләрен дә алып килде. Коллектив һәм балалар белән мәктәп - бакча тирәсендә өмә ясадык.Тырышып, янып эшләдек.

Мәктәп - бакчада Тукай көннәрендә традицион әбиләр чәе узды. Спонсарларыбыз Дәүләтшин Азат һәи Зөлфияләргә рәхмәт әйтеп, күчтәнәчләргә дога кылдылар.

Мәктәп - бакчада балалар әбиләренә матур - матур шигырьләр, җырлар җырладылар. Әбиләр оныкларының һөнәрләренә сөенеп утырдылар

Тукай көне уңаеннан Мирхәйдәр Фәйзи музей - утарында кунакта булып, сөекле шагыйребезнең шигырьләрен сәнгатьле уку бәйгесе уздырдык. Барыбыз бергә "Туган тел" җырын җырладык.