Авылыбыздагы Мирхәйдәр Фәйзи музеенына якташ рәссамебез Фиринат Халиков килде . Ул музейга узе иҗат иткән Мирхәйдәр Фәйзи портретын бүләк итте . Бу вакыйганы Россия 1 Татарстан каналы телеведениега төшерде . Бу чарада без дә катнаштык . 

ДАИ хезмәткәрләре мәктәп - бакчада балаларның иминлеген саклау буенча еллык планнар, әти -әниләр белән эш планнары, стендлар, почмаклар, дидактик уеннар, юл йөрү кагыйдәләрен өйрәтү бүлмәсе белән таныштылар.

Сөмбелә, Сөмбелә,Сөмбеләне кем белә? 

Сөмбеләне шулар белә. – Кем эшенә өлгерә.

Мул унышлы көзге бәйрәм. Һәркемне сөендерә.

 

Саф һавага чыккач, яфраклар коелуын күзәттек. Күңелгә җыр сүзләре килеп керде.

Шаяра әле күбәләк

Үтсәләр дә җәйләре.

Ә урамга килеп керде,

Килде яфрак бәйрәме.

     Нинди генә төсләре юк,

     Күреп исең китәрлек.

     Яфрак ява, яфрак ява

Юлыбызга түшәлеп.

Әйләнә - тирә дәресендә үзебезнең мәкпәп бакчасына экскурсиягә чыктык. Төрле агач яфракларының төзелешләре, формалары, төсләре, размерлары белән таныштык. Табигатьнең гүзәл чагы - яфрак коелу мизгеле. Яфраклар салмак кына бөтерелеп, җиргә келәм булып түшәләләр.

Хөрмәтле укытучылар! Балалар күңеленә салынган бәхет, шатлык орлыклары нәкъ менә сезнең тырышлыгыгыз, йокысыз төннәрегез, тынгысыз хезмәтегез белән яулана. Балаларыбыз, киләчәк буыныбыз аңлы, белемле, мәрхәмәтле булсын өчен куйган хезмәтегез өчен барыгызга да олы рәхмәт. 

Үзебезнең мәктәп - бакчада эшләп, лаеклы ялга киткән Сәрия апага барып, яшелчәләр алышырга ярдәм иттек.Ул безне зур рәхмәтләр әйтеп, озатып калды.

Өлкәннәр көне уңаеннан авылыбызның иң өлкән кешесе Хәтирә әбигә кунакка бардык. Хәл - әхвәлләрен сорашкач , үзебез белгән шигырьләрне сөйләдек . Хәтирә әбигә истәлеккә бүләк тапшырдык . 

200 һәм 2000 сумлык акчалар өчен шәһәр сайлауда катнаштык . Бу чарада коллектив белән берлектә бабайлар да , әти - әниләр дә читтә калмадылар .