Бүген мәктәп - бакчада "Тукай безнең күңелләрдә" дип аталган әдәби - музыкаль кичә узды. Кичәбезнең кунаклары - әбиләребез иде. Алар оныкларының һөнәрләрен күреп, сөенеп утырдылар. Бәйрәм чәй табыны белән тәмамланды.

Балаларга тәрбияви белем бирүдә китапханә белән берлектә эшлибез. Бүген дә  Г. Тукайның туган көне уңаеннан китапханәче Гөлнур апа безне китапхәнәгә экскурсиягә чакырды. Китапханәдә Г. Тукайга багышланган почмакта балалар үзләре өйрәнгән шигырьләрен сөйләделәр. Гөлнур апалары "Шүрәле" әкиятен кычкырып укыды.

М. Фәйзи музеенда чираттагы шигырь конкурсы узды. Г. Тукай шигырьләрен иң оста сөйләүчеләр бүләкләнде.

Тирә - юньне чиста тоту өчен бик нык тырышлык таләп ителә. Коллектив белән язгы өмәдә катнаштык. Чистарып, яшәреп киткән тирә - юнь күңелләрне сөендерә.

Язның бер көне - Җир көне дип игълан ителгән. Җирне саклау һәркемнең изге бурычы. Табигатебезнең чисталыгын тәэмин итик, аны саклыйк!!!

Тукай айлыгы дәвам итә. Балалар Г. Тукайның тормыш юлы һәм иҗаты белән танышуны дәвам итәләр. Үзләре дә бик активлар: Тукай әкиятләренә рәсемнәр ясыйлар, кроссвордлар төзиләр, Тукай шигырьләрен ятттан өйрәнәләр.

Габдулла Тукайга 130 ел тулу уңаеннан мәктәп - бакчада Тукай айлыгы игълан ителде. Бу айлыкта Габдулла Тукай әкиятләре буенча рәсем конкурслары, гаилә конкурслары узды. Ясалган рәсемнәрдән күргәзмә оештырылды.

Мәктәп - бакчада Космонавтика көненә рәсем конкурсы узды. Конкурсның җиңүчесе Файзрахманова Алинә.