Кеше гомере аккан сулар кебек бик тиз узып китә. Сабыйлык еллары да мәңглек түгел. Балаларның, әти - әниләрнең дә гомергә исләрендә калсын дип, без "Ата -терәк, ана -йөрәк " дип исемләнгән гаилә бәйрәменә җыелдык. Гаилә ул - җылы учак. Гаилә нык булса гына, аннан килгән җылылык шулкадәр көчле була. Гаилә - тормыш көзгесе, тормыш нигезе. Әти - әни аның тоткасы булса, балалар - гаилә көзгесе. Әгәр тотка купмасын , көзге ватылмасын дисәң, бер - береңне санлап, рәнҗетмичә, хөрмәтләп яшәргә кирәк.

Гаилә бәйрәменең икенче өлешен дәвам итеп, әти - әниләр арсында бик күп төрле конкурслар үткәрдек.  "Их шома басабыз" дип исемләнгән конкурста әти -әниләр төрле халык биюләрен биеп, үзләренең осталыкларын, җитезлекләрен  күрсәттеләр.

  Бөек Җиңүнең 70 еллыгын каршылап мәктәп - бакчада "Аҗаган" хәрби - спорт уены уздырылды. Әлеге уенда төрле ярышлар оешкан төстә үтте. Укучыларга иң ошаганы -  беренче ярдәм күрсәтү булды.

"Җиңү даны - мәңгелек" стенды сугыш чоры балаларының истәлекләре белән баетылды.

Муса Җәлил һәм Җәлилчеләрне искә алу уңаеннан,  без авыл китапханәсенә  бардык. Китапханә җитәкчесе Гөлнур апа безне Муса Җәлилнең  иҗаты, тормыш юлы белән таныштырды. Без дә үзебез өйрәнгән шигырьләребезне сөйләп күрсәттек.

Бүген гаҗәеп нык салкын:

Кар шыгыр - шыгыр килә,

Бит - борынны чеметтереп,

Бәс сибеп, бездән көлә.

Урам матур, чип - чиста,

Уйнавы рәхәт тышта,

Рәхәтләнеп чаңгы шуабыз,

Рәхмәтләр әйтеп кышка.

Бүген көн салкын булуга кармастан,  дәресләрдән соң барыбыз да чаңгыларга бастык. Әлеге "Чаңгы юлы - 2015" , бездә күңелле арыганлык, һәм онытылмаслык кичерешләр калдырды.

Үзебезнең мәктәп - бакчабызга ярдәм итү өчен макулатура җыеп тапшырдык. Балалар да үзләренең көчләрен кызганмадылар, өйләрендәге артык - тортык кәгазьләрне җыештырып алып килделәр. Бу очракта "Тамчыдан да күл җыела", "Ил төкерсә - күл була "дигән мәкальләр безгә туры килә.

Кар яуганга сөенеп,

Өскә нык киенеп,

Чыгып китәбез урамга

Без чанада шуарга.

Гөр килә безнең урам,

Кар ява, уйный буран.

Яу, әйдә, яу, шаян кар,

Менә безнең чана бар!

"Рәхим ит, Яңа ел" дип аталган Чыршы бәйрәмебезнең кунаклары: Кыш бабай һәм Кар кызы, Убырлы һәм Албасты, Кар бабай һәм Әнкә куян, җәнлекләр, разбойниклар һәм гномнар иде. Алар үзләренең уеннары һәм мәзәк сүзләре белән килгән кунакларны чыршы янында туплап күңел ачтылар.