Тимераякта шуучы төлкебез  үзенең сәяхатен дәвам итә

Бүген бездә "Аҗаган" уены узды. Барыбыз бергә ишегалдында миналар эзләү, гранаталар ыргыту, яралыга ашыгыч ярдәм күрсәтү кебек уеннарда катнаштык. Мина эзләүдә беренчелекне Сәләхетдинова Илсинә алса, ә граната ату буенча беренчелекне Хафизов Рәсим яулады.

Патриот-шагыйрь Муса Җәлилнең тууына 110 ел тулу уңаеннан, шигырь сөйләү конкурсын М. Фәйзи музеенда үткәрдек. Иң оста шигырь сөйләүчеләр бүләкләр алдылар.

Мәктәп - бакчабызда күп еллар пешекче булып эшләгән Низамова Резеда Рәхимовнаны лаеклы ялга озату кичәсендә катнаштык. Аңа үзебезнең теләкләребезне җиткердек, бүләкләребезне тапшырдык.

Мәктәп - бакча коллективы һәм укучылар "Чаңгы юлы - 2016" кысаларында чаңгыга бастык. Без сәламәтлегебезне саклап, үз - үзебезгә булышабыз. Сәламәт тәндә - сәламәт акыл.

Мәктәп - бакчада бик күп бәйрәмнәр уза. Апа белән матур җырлар өйрәнәбез. Без җырларга, биергә, күңел ачарга яратабыз.

Звонок булды физкультурага

Чаналар тартып без киттек тауга!

Таудан выжылдап шуып төшәбез.

Нәкъ  апа торган җиргә җитәбез

Кар яуганга сөенеп,

Өскә нык киенеп,

Чыгып китәбез урамга

Саф һавада уйнарга.

Гөр килә безнең урам,

Кар ява, уйный буран.

Яу, әйдә, яу, шаян кар,

Менә безнең чана бар!

Мәктәп - бакчада үз - үзеңә хезмәт күрсәтүгә зур игътибар бирелә.3 нче һәм 4нче сыйныф укучылары класс бүлмәсен җыештырдылар: парталарны сабынлап юдылар, тузан сөрттеләр, бүлмә гөлләрен тәрбияләделәр. Сыйныф бүлмәсенең һавасы сафланып калды.

Озын ялларда сәламәтлегебезне ныгытып, көч туплап яңадан укырга килдек.