Сәламәт тормыш рәвеше алып бару бүгенге көндә актуаль тема булып тора, мәктәп - бакчада пропаганда эше алып барыла. "Сәламәт гаиләдә - сәламәт бала үсә" девизы астында гаиләләр белән берлектә кышкы табигатькә поход оештырдык. Көлдә пешкән бәрәңге, кипкән алмалы кайнар чәй белән сыйландык, тау шудык, уеннар уйнадык.

Буранлы кышта нинди илләргә

Очасың, песнәк, салкын җилләрдә?

Туңа бит синең аякларың да,

Тала бит синең канатларың да.

Кунма син, песнәк, агач башына.

Мин бодай сиптем тәрәз каршына

Кар яуган! Яуган

Мамык кебек кар,

Ап - ак булганнар

Урамнар ,кырлар.

Җыелып бергә,

Кырга чыгабыз,

Бергәләп анда

Чаңгы шуабыз.

5 нче февраль көнне балалар бакчасында ачык ишекләр көне булды. "Яшел ут"  юл йөрү кагыйдәләрен өйрәнү конкурсының бер этабы булып, әти - әниләр белән берлектә "Белмәмеш маҗаралары" исемле ачык эшчәнлек узды.

Мәктәпнең актлар залында матур итеп туган көн кичәсе уздырдык. Җырладык, биедек, төрле уеннар уйнадык, күчтәнәчләр белән тәмләп чәй эчтек, изге теләкләр юлладык.

Китапханәче Гөлнур апабыз бездә кунакта булды. Мәдәният елының истәлекле даталары хакында сөйләде, яңа басмалар белән таныштырды.

Курчагымның битен юам,

Пычрак, шапшак йөрмәсен.

Ә сабынын бик аз сөртәм,

Күзләренә кермәсен.

Әйбәт икән лә кыш! Җитез икән буран.

Менә!- дигән итеп, зур тау ясап куйган.

Ул ясаган тауда выжлый гына чана.

Борынымны суык тота алмый кала.

Кышкы каникуллардан соң "Әкияти дөнья" түгәрәге үз эшен җанландырып җибәрде

27 нче декабрь көнне "Яңа ел серләре" дип исемләнгән Чыршы бәйрәме узды. Явыз Убырлы һәм Хәйләкәр Песи сынауларын узып, Кыш бабай белән Кар кызын көттеләр. Мәктәп - бакча балалары чыршы тирәли җырладылар, биеделәр, ярыштылар. Кыш бабайның бүләкләре мулдан булды.