Уңыш бәйрәме

Мәктәптә “Уңыш бәйрәме” үтте. Пешекче апалар укучыларны тәмле уңыш сые белән сыйладылар. Аннары бәйрәм актлар залында дәвам итте. Укучылар үзләренең матур чыгышлары белән бәйрәмне бизәделәр.

“Көзге матурлык” күргәзмәсе

Укучылар тарафыннан   табигый материаллардан “Көзге матурлык” дип исемләнгән кул эшләре күргәзмәсе оештырылды.  Әлеге чарада укучылар актив катнаштылар. 

Интернет челтәрендә куркынычсызлык

Мәктәплтә Интернет челтәрендә куркынычсызлык турында бердәй дәресләр узды. Укучылар интернет аша үтеп кергән куркыныч, аларның ничек таралуы, әлеге куркынычка каршы көрәшү ысуллары белән таныштылар.

Мәктәптә ТИН фәне укытучысы Константинов А.Н. 11 класслар белән ачык дәрес уздырды.

Мәктәптә министрлар-үзидарә членнары утырышларга  даими җыелып торалар. Аны президент Нәкыйпова Назлыгөл  алып бара. Аның чираттагысында алар “Уңыш бәйрәме” уздыру, мәктәптәге  тәртип, рейдларга йөрү  турында сөйләштеләр.   

Мәктәбебездә 1-4 сыйныф укучыларына «Мәдәни көндәлек” тапшыру бәйрәме уздырылды. Көндәлекне укучыларга мәктәп һәм авыл китапхәнәчеләре Гыймадетдинова А.Ш. Закирова Г.И тапшырды. Укучыларга көндәлек турында мәгълүмат бирелде. Аны алып бару тәртибе аңлатылды.

Имтиханнарга әзерлек

Мәктәптә төрле фәннәрдән сынау имтиханнары бара. 9нчы һәм 11 нче сыйныф укучылары үзләренең белемнәрен сыныйлар.