ПДД кагыйдәсе искә төшерү максатыннан башлангыч сыйныф укучылары белән кызыклы әңгәмәләр оештырылды. "Йолдыз" оешмасы укучылары җитәкчеләре Хөснетдинова Энҗе  Фоат кызы белән берлектә  ныклы әзерлекле рәвештә укучыларга мавыктыргыч сораулар , биремнәр әзерләгәннәр иде.

Информатика укытучы Хуснетдинов Азат Альбертович башлангыч сыйныф укучылары өчен "Куркынычсыз Интернет" дәресләре уздырды.

Барлык мәктәп укучылары өчен "Йолдыз" укучылар оешмасы "МУЗЫКАЛЬ ТӘНӘФЕС" оештырды.Укучыларның сау- сәламәт булулары безнең өчен бик мөхим!

Чистай шәһәрендә 2003-2004 нче елгы егетләр һәм кызлар арасында Татарстан беренчелегенә армспорт ярышы узды. Әлеге ярышта мәктәбебез укучылары да катнашты һәм зур уңышларга ирештеләр. Мәктәбебез президенты  Степанова Рамилә уку ягыннан гына түгел, спорт ягыннан да үзен сынатмый. Менә әлеге ярыш та да Рамиләбез 1 урынны яулады.

Мәктәпкәчә яшьтәге нәни дусларыбыз өчен иртәнге күңелле зарядка оештырылды. Субаш балалар бакчасы тәрбиячеләре һәр көнне иртә белән нәни дусларыбыз өчен кызыклы күңегүләр эшләтәләр.

Янгын хәвефе сигналы дәрес вакытында яңгырады. Берничә секундтан коридор балалар белән тулды. Алдан өйрәнелгән эвакуация планы буенча укучылар һәм укытучылар санаулы минутларда мәктәп бинасыннан чыктылар. Барысы мәктәп каршындагы мәйданда тезелде. Өйрәнү тревогасы төгәл һәм бердәм үтте – ә бу эшкә әзерлек күрсәткече.

2 сыйныф укучылары рус теленнән Россия күләмендә үтүче  тикшерү эшләре эшләделәр.

Көз үзенең җылы кояшы белән генә тугел, куптән көтелгән кунаклары белән дә куандырды. Мәктәбебездә “Татарстан - Яңа Гасыр"  каналы кунаклары  укучыларыбыз белән берничә сәгать дәвамында бик җанлы әңгәмә алып бардылар.

Алар узләрен кызыксындырган сорауларга җавап алды, ә безнен укучыларыбыз  төрле бирелгән сорауларга төгәл һәм аңлаешлы итеп җавап бирделәр.  Укучыларыбыз кунакларга мәктәп   тормышы, "Туган як" музее эшчәнлеге, үзләренең кызыксынулары  һәм талантлары турында сөйләделәр. Шунысы куанычлы, безнен мәктәп укучыларының үз-үзләрен тотышы, сөйләм осталыклары  бик уңай бәяләнде. “Чиста итеп үз туган телләрендә сөйләшүчеләрне бик сирәк күрәбез”,- дип мактадылар  килгән кунакларыбыз.

5 октябрь-укытучылар көне уңаеннан "Укытучыңны котла!" акциясе уздырылды. Укучылар мәктәбебезнең барлык укытучыларын бәйрәм белән котлап открыткалар һәм чәчәкләр бүләк иттеләр.Укучыларның чын күңелләре белән әзерләнгән концерт кичәсен оештырган "Йолдыз" укучылар оешмасына зур рәхмәт .