Проект эшләре актив эшләп килә , бүген , ягъни 18 нче сентябрь көнне,  башлангыч сыйныф укучылары белән Хөснетдинова Энҗе Фоат кызы,  проект эшчәнлеге ни кадәр кызыклы булуы һәм ничек эшләнеше белән  таныштыру уздырды.

Сәламәт тормыш рәвеше алып бару өчен авылда да, шәһәрдә дә бөтен уңайлыклар бар, иренмәскә, компьютер һәм гаджетларыбыздан аерылып, үзебезнең тормыш белән яши башларга вакыт җитте. Әйе чыннан да, СПОРТ -сәламәтлек  нигезе! Менә безнең мәктәбебез мөгаллиме Фаязов Ленур Әхмәт улы (география һәм технология укытучысы)  Укытучылар Спартакиадасында  актив катнашып ераклыкка сикерү буенча 3 нче урын алып  мәктәбебез укучыларына үрнәк булып тора.Афәрин Ленур Ахметович !

Барлык мәктәбебез укучылары "Милләтләр кроссы-2017" дә актив катнашты.

Спортчыларны тәрбияләүдә  ата-ананың гына түгел, укытучының һәм   мәктәпнең  дә  роле бик зур. Алар балаларны  биек дәрәҗәгә күтәрү өчен көне-төне тырышалар, баланы куәтләп, көч биреп торалар. Ә кайберәүләр: “Спорт вакытны күп ала, укырга комачаулый”, — дип исбатларга тырышсалар да, дөреслек җиңеп чыга. Спорт дисциплинага өйрәтә, тормышта да югары үрләр яуларга булыша. Укучыларыбызга үрнәк булу өчен  безнең мәктәбебез  укытучылары аеруча нык тырыша.  Укытучылар спартакиадасында актив катнашып, төрле спорт ярышларында призлы урыннар алып кайталар мөгаллимнәребез.Алга таба да уңышлар Сезгә!

"Табигать -бала күзлегеннән!" - дип исемләнгән рәсем конкурсы мәктәп күләмендә оештырылды. Барлык катнашкан укучыларның эшләре арасыннан иң-иңе диеп сайланып алынганы район күләмендә оештырылган рәсем конкурсында үз көчен сынарга җибәреләчәк.   Барлык катнашкан укучыларга зур рәхмәт.