Сандугач, сандугач!..

Син китсәң , мин  калам,

Дусларыма җырлар өчен,

Җырыңны отып алам.

Татарстан халык ансамбле җитәкчесе, җырчы, уен коралларында яратып уйнаучы , искеткеч күренекле композиторыбыз -  Шигапов Солтан  Фидаис улы безнең мәктәбебездә дә кунакта булып китте. Ул төрле халыкларның уен коралларында уйнап балаларны таң калдырды.Укучылар шушы уен коралларында үзләрен дә сынап карадылар.

"Ел укытучысы - 2017" конкурсының район этабында технология фәннәре укытучысы Фәезова Эльмира Мисаеловна катнашты.

Бүген безнең мәктәптә зур бәйрәм - район укытучылары, мәктәп коллективы, укучылар, әти-әниләр арасында зур хөрмәткә ия булган биш укытучыбызның  юбилей тантанасы.   Әхмәт Фаязович – 60 яшь, Нәфисә Гарифулловна – 55 яшь, Фагыйль Фәләхетдинович - 55яшь,  Сания Ильясовна – 50 яшь, Хәлил Рависович – 50 яшь!

Судномоделирование түгәрәгендә укучылар төрле модельләр ясап аларны сынап карыйлар.

Декабрь аенда без: "Балаларның кошлар турындагы белемнәрен тирәнәйтү, безнең якларда кышлаучы һәм күчмә кошларны танып белергә өйрәтү, аларның авыл хуҗалыгы корткычларын бетерүдәге әһәмиятен аңлату, канатлы дусларыбызга сак караш һәм мәхәббәт хисе тәрбияләү." дигән максат өстендә эшләдек. Укучыларыбыз үз куллары белән кошларыбызга җимлекләр ясап элделәр.

Каникулларыбыз бик тә кызыклы үтте. "Чана тау" да шуярга дип бик күп укучылар үзләренең абый апайлары, эне -сеңелләре, әти-әниләре белән күңел ачырга килделәр. Әфәрин укучылар!

Бүген, 29 нчы декабрь көнне балалар бакчасында "Яңа ел могҗизасы" дип исемләнгән  кичә оештырылды.Кичә барышында нәни дусларыбыз Кыш бабайга шигырьләрен сөйләделәр, җырлар җырладылар, биеп тә күрсәттеләр.Кунакка килгән җәнлекләр белән уеннар уйнадылар! Кыш бабай һәм Кар кызы балаларга бүләкләр өләште.Балалага , әти-әниләргә, килгән кунакларга бәйрәм иртәләре бик ошады.

26 нчы декабрь көнне мәктәптә Яңа ел бәйрәме үткәрелде.  Кыш бабай белән Кар кызына укучылар шигырьләр ятлаганнар, җырлар, биюләр  өйрәнгәннәр, стенагазеталары чыгардылар, кышкы табигатькә багышланган рәсемнәр ясадылар. Бәйрәм кичәсендә Кыш бабай белән Кар кызы  төрле бәйгеләрдә катнашып урын алган укучыларны Грамота һәм сертификатлар  белән бүләкләп китте. Быелгы Яңа ел кичәсе тагын да  матур, күңелле үтте. "Йолдыз" укучылар оешмасы  балалары  профориентация кысаларында үзләренә һәм калган балаларга яңа ел кичәсен истә калырлык итеп оештырдылар! 

Мәктәбебез укучылары Чепья клубында үткәрелгән "Созвездие - Йолдызлык 2017"нең сайлап алу турында актив катнашып кайттылар!Әфәрин кызлар-егетләр!