Җәйге ял вакытында куркынычсызлык кагыйдәләре турында участок вәкиле Николаев Юрий Илгизович аңлатты.

9 нчы сыйныф әти-әниләре белән түгәрәк өстәл үткәрелде. Имтихан таләпләре кабаттан искәртелде.

Бүген районыбыз үзәгендә бәйрәм тантанасы узды. Бөек Җиңүнең 70 еллыгы уңаеннан оештырылган парадка килгән һәр ветеранга игътибар һәм хөрмәт күрсәтелде.

Сәгать иртәнге 9.30 башланасы чарага халык инде бер-ике сәгать алдан җыела башлаган иде. Һәркемнең дә санаулы гына калып бара торган чын геройлар белән очрашасы килә. Безнең мәктәп укучылары да әлеге чарада тамаша кылып кайтты.

                                    Хәтердән уела күп нәрсә,

                                    Онытыла иң гүзәл яз, кышлар.

                                    Онытылмый үзенең иңендә

                                   Ил данын күтәргән язмышлар.

                    Вакытлар үтүгә сүрелеп

                    Сүнәләр иң якты балкышлар.

                    Сүнмиләр, яктылык сибәләр

                    Көрәштә кабынган язмышлар.

     Җиңү көне! Халкыбыз өчен иң зур бәйрәмне быел яз көне 70нче тапкыр бүләк итә. Җиңү көннәрендә  һәйкәлләргә җан иңәр дә  , алар барысы бергә - «Якташлар , безне онытмагыз!» диярләр кебек. Безгә Җиңү таңы бүләк иткән каһарманнар - һәлак булган ил уллары безнең хәтердә мәңге яшәр! Бүгенге матур тормыш өчен без Сезгә бурычлы.

Бөек Җиңүгә багышлап мәктәбебез укучыларына кинофильм күрсәтелде.Укучылар аерым дулкынлану белән фильмны карадылар, дәһшәтле сугышның илебез күген бервакытта да капламавын теләп калдылар.

Бөек Җиңүнең 70 еллыгын каршылап укучылар «Без – Бөек Җиңү варислары” дип аталган флэшмоб акциясендә катнаштылар.

Укучылар Бөек Җиңүнең 70 еллыгына һәм иҗат  концертына әзерләнәләр. Һәр сыйныф матур җырлар, дәртле биюләр өйрәнә.

“Алиш эзләреннән” исемендәге I төбәкара фәнни – гамәли конференциясендә  Нурмөхәммәтова Әдилә, Васильева Гөлинә ( җитәкчеләре  Васильева Г.Ф., Галиева Р.М.) чыгыш ясап, II урын яулап кайттылар. Аларга киләчәктә дә уңышлар телибез.