Россия Конституциясе көнендә балалар белән Россиянең гимны җырланды, флагы, гербы турында сөйләшүләр булды, "Россия һәм Татарстан  символикалары"  турында презентация күрсәтелде.  

"Дуслык" лагерында балалар суган түтәлләрен утадылар, имән үсентеләренең арасын эшкәрттеләр.

А.С.Пушкинның туган көнендә "Әкият" һәм "Дуслык" лагерында "Рус теле көне" үткәрелде. Балалар  шигырьләр сөйләделәр, викторина сорауларына җавап бирделәр, презентация карадылар.

Балалар "Җәйнең тылсымлы төсләре" дигән темага рәсемнәр ясадылар.

Балалар янына авылыбызның медпунктыннан Гарифуллина Фәридә Усмановна керде. Ул җәен җиләк-җимешләрне юып ашарга, урамда эссе көннәрдә башка киеп йөрергә  кирәклеген аңлатты, балаларның сорауларына җавап бирде.

Һаа торышы начар булу сәбәпле, эш лагерындагы укучылар китапханәдә китаплар төпләделәр, сыйныфларны җыештырдылар.

Һава торышы начар булу сәбәпле, кызлар гөлләр утыртталар, егетләр көрәк,  тырма, себерке сабы ясадылар.

Балаларны яклау көнендә укучылар өчен "Бәхетле балачак" спорт бәйрәме узды.

       Юл йөрү кагыйдәләрен төгәл үтәү максатыннан 1-5нче сыйныф укучылары өчен сөйләшүләр, "Нәрсә, кайда, кайчан?" исемле уен уздырылды, 6-8 нче сыйныф укучылары өчен "Без юлларда игътибарлымы?" исемле презентация күрсәтелде.

Мәктәбебездә "Әкият" һәм "Дуслык" ял һәм эш лагерьлары ачылды, 50 укучыбыз 18 көн күңелле ял итәчәкләр, уеннар уйнаячаклар, бакчада эшләячәкләр.

Мәктәбебездә 8 укучы өчен соңгы тапкыр кыңгырау чыңлады.