Дружина сборында 4 нче сыйныф укучыларын варисларга алу узды. Отрядлар педагог - организаторга рапорт бирделәр, варислар нинди булырга тиеш икәнен укучыларга сөйләделәр. Ә 4 нче сыйныф укучылары җырлар җырладылаар, шигырьләр сөйләделәр, театрдан өзек күрсәттеләр.

     Укучыларыбыз Чистай сәнгать мәктәбе уздырган "Мастерами славится Россия" исемле конкурста үзләре бәйләгән, ясаган әйберләр белән катнашып дипломнар белән бүләкләнделәр:

-  2нче сыйныфтан Сабирзянова Адиләне,

- 4нче сыйныфтан Рахматуллина Әлфирәне, Халиуллина Гөлсинәне,

- 8нче сыйныфтан Мингалимова Алинәне, Нургалиева Айгөлне, Шагвалеев Айдарны

һәм укытучыларыбыз Сабирзянова Алинә Илгизәровнаны, Халиуллина Алсу Юнусовнаны җиңүләре белән котлыйбыз. 

     14нче май көнне мәктәбебездә юл йөрү кагыйдәләренә багышланган чаралар узды:

 - башлангыч сыйныфларга "Сак булыгыз, зур юлларда" исемле презентация күрсәтелде,

- 5-11 нче сыйныф укучыларына "Юлда йөрү кагыйдәләре" буенча әңгәмәләр узды, мотоцкларда, скутерларда йөрмәскә дигән кисәтү ясалды.

Бөек Җиңүнең 67 еллыгын без Авыл Мәдәният йортына тыл ветераннарын чакырып бәйрәм иттек. 8нче сыйныф укучылары "Сезнең тормыш - үзе батырлык" исемле монтаж  күрсәттеләр, башка класслар җырлар җырладылар, шигырьләр сөйләделәр. Бигрәк тә 1нче сыйныф кызларының биюе, 4нче  сыйныф укучыларының "Җиңү көне" исемле җыры килгән кунакларга бик ошады. Традицияне дәвам итеп, 11нче сыйныф укучылары Сугышта һәлак булганнар истәлегенә куелган һәйкәлгә чәчәкләр салдылар.

   Бөек шагыйребез Г.Тукайның туган көненә багышлап татар теле укытучысы Хаматгалимова А.С.һәм китапханәче Гарифуллина Л.Ф. 5-11нче сыйныф укучыларына "Тукайның тормыш юлы" исемле презентация күрсәттеләр. 

Г.Тукай бәйрәме аңа багышлап куелган һәйкәл янында дәвам итте. Укучылар шигырьләр сөйләделәр, җырлар җырладылар, Тукай һәйкәленә чәчәкләр салдылар. 

Шимбә көнне мәктәбебездә өмә узды. 5-6нчы сыйныфлар мәктәп стадионын тырмаладылар, 7-8 нче сыйныфлар Гаделша, Дүрт Өйле авылы юлларын чистарттылар, 9-10 нчы сыйныфлар мәктәп янын чүпләрдән чистарттылар. Ә 11нче сыйныф укучылары Гаделша авылының сугышта катнашучыларга куелган һәйкәл тирәсен чистартуда катнаштылар.

Тарих укытучысы Муртазина Л.А. 9-10 нчы сыйныфлар белән П.А.Столыпинның тууына 150 ел тулуга багышланган дәрес уздырды. 10нчы сыйныф укучылары Рахматуллин Фәнис һәм Загидуллин Салават Столыпинның тормыш юлына, эшчәнлегенә багышланган презентацияләр әзерләгәннәр.

Космонавтика көненә багышлап физика укытучысы Рахматуллин Ш.Т. 7- 8нче сыйныфлар белән "Поле чудес" уздырды. Уенда 7нче сыйныфтан Сафиуллин Илмир, Валиуллина Энҗекәй, Гарифуллина Кадрия, 8нче сыйныфтан Шагвалиев Айдар, Махмутова Сөмдел, Хамидуллин Раиф, Галимова Илүзә, Ибрагимова Илүзә актив катнаштылар.