Яшибез без туган җиребездә,

Ә бәрәңге, бәрәңге

Бәрәңгене күр әле

Сап- сары бәрәңге белән

Тирән базыбыз тулды.

Көзне яратам муллык булганга,

Табыннар һәрчак тулып торганга.

Көзгә сокланам сары булганга,

Алтын яфраклар тулып торганга.

Көзгә мең рәхмәт шундый булганга,

Без - балаларны шатландырганга!

Игенчелек – борынгы бабаларыбыздан килгән һөнәр. Ул һәрвакыт авыр эш булып саналган. Чөнки иген уңышы күп хезмәт, уңганлык һәм тырышлык таләп итә. Игенче хезмәтенең җимеше – икмәк. Икмәк – туклык, сәламәтлек, шатлык нигезе, муллык билгесе. Балаларда бу байлыкларны тудыручы игенчеләр хезмәтенә карата хөрмәт тәрбияләү, аларга игенченең мактаулы һәм авыр хезмәте, икмәкнең нинди юллар аша табынга килүе турында аңлату максатыннан балалар белән әңгәмәләр, рәсемнәр, альбомнар карау оештырылды

30 сентябрьдән 4 октябрьгә кадәр "Көз күчтәнәчләре" темасы астында эшләдек. Теманы йомгаклап, көзге муллыктан күргәзмә оештырдык. Барлык балалар да актив катнаштылар. Әти - әниләргә бик зур рәхмәтебезне җиткерәбез. Алга таба да шулай актив катнашырлар дип ышанып калабыз!!!!

Бәйрәм белән, ДУСЛАР! 

Хөрмәтле коллегалар, хезмәттәшләрем! Сезнең барыгызны да бәйрәм белән тәбрик итәм. Исән-имин булып, сау-сәламәт булып, күңел тынычлыклары, иман байлыгы белән яшәргә язсын!

Бакчабызда балалар күп

Зурлары, нәниләре,

Яннарында бөтерелә

Икенче әниләре.

Тәрбияче, тәрбияче,

Әй, гүзәл тәрбияче!

Ходай сиңа сәламәтлек

Түземлекләр бирсәче.

Иң изге теләкләр белән балалар бакчасы мөдире Салихова Земфира Габделнур кызы.