Мәктәпләрне яңа уку елына әзерлек инде бер атна элек башланды. Бүген исә косметик ремонт эшләре тәмам. Мәктәп яңа уку елына тулысынча әзер.

Эх, ямьле дә соң җәй айлары! Кай арада җитә дә, тиз генә үтеп тә китә. Ә менә шул аралыкта кыш өчен күпме тәм - том әзерләп өлгерергә кирәк. Әле генә җиләкне җыеп эшкәрттек, инде карлыганы да өлгереп җиткән. Мәктәп яны тәҗрибә участогында эшнең кайнаган чагы. 

Бүген мәктәбебездә чыгарылыш сыйныф укучысына аттестат тапшыру тантанасы үтте. 1 укучыбызны олы тормыш юлына озаттык. Бәйрәмдә район мәдәниять бүлеге җитәкчесе Аблязова Р.Р., мәгариф бүлеге методисты Сибгатуллина А.А. катнашты. 

Гасыр төпкеленнән килә аваз,

Хәтерләрдә тарих яңара.

“Онытмагыз! Хәтерләгез безне!

Шәһит булдык авыр яуларда. 

"Әкият" курчак театры белән очрашу бездә җылы тәэсирләр калдырды. Балалар өчен булган матур эчтәлекле "По чущему велению" әкиятен артистларыбыз оста башкардылар. Вакыт узганы сизелмәде дә. Рәхмәт сезгә!

Сау - сәламәт яшәүдән дә мәгънәлерәк нәрсә бар бу дөньяда!? Шуңа да начар гадәтләрнең нәтиҗәсе нәрсәгә китергәнен без балачактан белеп үсәбез. Гаиләдә дә, мәктәптә дә, телевидениедә дә, газета - журналларда да бу турыда мәгълүмат җитәрлек. Шуңа да без һәрвакыт СӘЛАМӘТ ТОРМЫШ ЯКЛЫ!

Туган як табигате – бала иң күп белем һәм күзаллаулар ала торган чыганак ул. Табигатьтәге тере һәм терек булмаган объектларга кызыксыну кече яшьтән үк башлана. Балалар барысын да күрәләр: урман сукмагындагы эшчән кырмыска да, куе үлән арасындагы кечкенә генә үрмәкүч тә, кояш нурларында ялтырап киткән куркыныч кондыз да аларның игътибарыннан читтә калмый. Шул максатны тормышка ашыру өчен без балалар белән табигать кочагында булып кайттык.

Дәүләтебезнең иң зур бәйрәме ул - Россия көне. Халыкның бердәмлеге, Россия конституциясендә күрсәтелгән азатлык, гаделлек кебек мөһим кыйммәтләр тирәсенә берләшү символына әверелде ул. Балаларга бу көннең никадәр дәрәҗәдә мөһим булуын аңлату максатыннан лагерьда кызыклы чара үткәрелде. Презентация - видеоролик буенча Россия һәм аның символлары турында  күп мәгълүмат бирелде. Балалар илебез турында җырлар җырлады шигырьләр сөйләде, кроссвордлар чиште, викторина сорауларына җавап бирде. Шулай ук  алар төсле акбурлар белән асфальтта рәсемнәр ясадылар.

Җәй - балачакның иң мавыктыргыч мизгеле. Бу чорда лагерьда үткәрелгән көннәр аеруча да истә кала. Безнең "Дуслык" ял лагерында һәр көн кызыклы чаралар, күңелле уеннар оештырыла. Бүген "Минем йортым - минем ныгытмам" темасына викторина - әңгәмә үткәрелде, презентация күрсәтелде. Балалар үз гаиләләре турында, өйләрендә үткәрелә торган гаилә бәйрәмнәре, кызыксынулары, шөгыльләре турында кызыклы итеп сөйләделәр. Соңыннан киләчәктә үз йортларын ничек күз алдына китерүләре турында иҗади һәм практик эш башкарылды. Әлеге чаралар күңелле уеннар, конкурслар белән үрелеп барды.