ЕГЭ һәм ОГЭ сынаулары алдыннан укучыларда кирәгеннән артык борчылуны киметү максатыннан, психолог Гөлназ Илдаровна 9 һәм 11 класс укучылары белән психологик тренинг үткәрде.

Барлык классларда “Дуслык һәм үзара тату мөнәсәбәт” темасына тәрбия дәресләре үткәрелде.

Авылыбызның олысы һәм кечесе ГТО нормативларын тапшыруга әзерләнә алсын өчен 2 төрле озынлыктагы трассалар ясадык. Ата-аналарны һәм укучыларны актив ял итәргә мәктәп яны чаңгы трассасына чакырабыз.

Казан Кооператив институтының хезмәткәрләре һәм олы класс укучылары арасында профориентация юнәлешендә эшлекле әңгәмә булды.

Мәктәбебез Кыш бабае һәм Кар кызы районда уздырылган Кыш бабайлар парадында катнаштылар.

Укытучылар коллективы ГТО нормативларын тапшыруда актив катнаштылар. 

Укытучылар мылтыктан ату, турникта тартылу, урыннан ераклыкка сикерү, аркага яткан хәлдә гәүдәне күтәрү, отжимание төрләреннән уңышлы нәтиҗәләргә ирештеләр.Чаңгыда шуу нормативларын тапшыруга хәзерлек бара.

Интернет куркынычсызлыгы өчен җаваплы коллегабыз Гимадиев А.И. 5-11 класс укучылары алдында презентация белән чыгыш ясады, аларның кызыксынган сорауларына җаваплар бирде. Бу мероприятияда укучылар интернет куркынычсызлыгы буенча бик күп файдалы магълүматлар алдылар.

Педагог-организатор Айсылу Мансуровна, класс җитәкчеләре Чулпан Туфановна, Алинә Ринатовна, Илюса Раисовна, профсоюз председателе Зөлфия Шарифулловна җитәкчелегендә мәктәбебезнең Яңа ел бәйрәмнәре файдалы һәм кызыклы итеп оештырылды.

Мәктәбебезнең балигъ булмаганнар арасында хокук бозуларны кисәтү отряды барлык классларда да пожар куркынычсызлыгы, коррупция зыяны, юл йөрү кагыйдәләре, терроризм куркынычы, балалар өчен ышаныч телефоны, ЗРТ №71 (14.10.2010) таләпләре, хокук бозулар өчен җаваплылык темаларына чыгышлар ясадылар.