Укытучылар  һәм олылар көне мәктәбебездә зур тантана белән үткәрелде. 6 класс укучылары "Хезмәт даны" газетасында  укытучыларны котлап шигырь бастырдылар, 7 класс укучылары үз куллары белән ясаган котлау открыткалары таратттылар. 11 класс укучылары фән укытучылары ярдәмендә дәресләр бирделәр. Профсоюз председателе З.Шарифулловна җитәкчелегендә бәйрәм өстәле әзерләнде һәм укучылар көче белән концерт куелды.

25 сентябрь һәм 2 октябрь  аралыгында Республика күләмендә уздырылган «Осенняя неделя добра - эстафета добрых дел» акциясендә зур тырышлык белән катнаштык. Бу акцияне иглан итеп гомуми мәктәп линейкасы үткәрдек, милли кухня конкурсы уздырылды, класс җитәкчеләре укучылар белән туган як табигатенә экскурсияга чыктылар, мәктәп медсестрасы укучыларга беренче ярдәм күрсәтү алымнарын өйрәтте, укучылар һәм авыл яшьләре катнашында футбол ярышы үткәрелде, 5-11 класс егетләре көче белән җирлектәге чишмәләр чистартылды, һәр класс үзләренә билгеләнгән олы яшьтәге ялгыз яшәүчеләргә шефлык ярдәме күрсәттеләр.

Хезмәт тәрбиясе бирү һәм кышка әзерлек максатыннан,  укучылар Һүм укытучылар көче белән тәҗрибә участогында уңышны җыеп алу тулы көчендә бара.

23 сентябрь көнне Экология елына, Укытучылар Һәм олылар көненә багышланган традицион  район мәктәпләре күргәзмә-базарында,  укучылар һәм укытучылар тырышлыгы белән уңышлы катнаштык. 

Кукмара шәһәре көне уңаеннан оештырылган чәчәк һәм гөлләр күргәзмәсенә, безнең мәктәп коллективы ясаган күргәзмә күпләрдә кызыксыну уятты.

22 сентябрь көнне милли культурабызны үстерү максатыннан Австралиядан килгән рәссам, укытучы, 5 төрле чит телдә иркен сөйләшә белүче милләттәшебез Суфия апа белән очрашу оештырдык. Ул балаларга, озак еллар чит җирләрдә яшәвенә карамастан,  туган телебезне яхшы белүен, татар милләтеннән булуына горурлануын, милли йолаларны саклавын сөйләде.

Җирлегебезнең полиция хезмәткәре майор Шакиров Р.Р. 1 сентябрь көнне һәр класс укучылары белән очрашып “Юл йөрү куркынычсызлыгы”, РТ ның 14.10.2010 елда кабул ителгән № 71 законы  таләпләре , Экстремизм-терроризмның куркынычы”, “Спиртлы эчемлекләр һәм тәмәкенең зыяны” темаларына сөйләде һәм укучыларның сорауларына җавап бирде. 

3 сентябрьда семьяда һәм балигъ булмаганнар арасында хокук бозуларны кисәтү буенча специалист Габдуллина Айгуль Ильдаровна«Экстремизм-терроризмның зыяны» темасына укучылар алдында чыгыш ясады.

Кружок укытучысы  Гимадиев Амир җитәкчелегендә 7 класс укучысы Закиров Инсаф районыбыз мәктәпләре арасында уздырылган техник күргәзмәдә уңышлы чыгыш ясап, районыбыз җитәкчесе Сергей Дмитриевич һәм прокуроры   Ришат Наиловичта зур кызыксыну уятты.