Урамда 30 С салкын булуга карамастан, бездә шигырь бәйрәме - Татарстанның атказанган мәдәният хезмәткәре, Татарстан Язучылар берлегенең шәрәфле әгъзасы, Шәйхи Маннур исемендәге премия лауреаты, Мамадыш шәһәренең Мактаулы гражданины, унике китап авторы Вахит ага Галиев һәм җирле шагыйрә, җырчы Гөлнур Васыйлова белән очрашу булды.

В связи с установившейся морозной погодой в Республике Татарстан при низкой температуре воздуха отменяются учебные занятия (Приказ  МКУ "Отдел образования" № 56 от 20.01.2014):

20 январьдан 25 нче январьга кадәр мәктәптә тарих һәм җәмгыять белеме атналыгы үткәрелә. 

Бүген район хакимияте башлыгы Иванов Анатолий Петрович мәктәбебезнең 9, 10, 11 класс укучылары белән очрашу үткәрде. Анатолий Петрович аларга районда бара торган үзгәрешләр, эшләп килә торган программалар турында сөйләде. Укучылар үзләрен кызыксындырган сорауларга да җавап таптылар. 

16 нчы январь көнне Кыш бабай призына хоккей буенча зона ярышлары безнең мәктәп базасында үтте. Ярышларда 7 команда катнашты. Мәктәбебезнең хоккей командасы беренче урынны алды. Егетләр, молодцы! Котлыйбыз!

15 январь - якташ шагыйребез Шәйхи Маннурның туган көне. Шул уңайдан ел саен шигырь бәйрәме һәм Ш.Маннур исемендәге премия тапшыру тантанасы үткәрелә. Бүген дә район мәдәният йортында Казан, Яр Чаллыдын килгән язучылар, шагыйрьләр катнашында кичә булды. Яшь иҗат талантларын барлаудагы күпьеллык нәтиҗәле хезмәтләре өчен Шәйхи Маннур исемендәге Әдәби премиягә безнең мәктәп тә лаек булды. Котлыйбыз!

9 январь көнне укучылар чаңгыларда кышкы табигатькә поход оештырдылар. 

Көннәр суыта башлауга ук барлык укучылар  мәктәп янындагы катокта эш башладылар. Берничә көн эчендә көзгедәй ялтырап торган боз әзер дә булды. 24 декабрь көнне мәктәбебезнең ике командасы арасында хоккей ярышы үткәрелде. Өлкән класс укучыларыннан торган команда беренчелекне алды. МОЛОДЦЫ, егетләр!