25 май көнне мәктәбебездә "Соңгы кыңгырау" бәйрәме үткәрелде.

                            Бәйрәм бүген барлык мәктәптә дә,

                            Хис ташкыны дулый күкрәктә.

                            Укытучының моңсу карашлары

                            Озату сүзен яза йөрәккә.

                            Уй-хыялларыбыз канатлы

                            Кулыбызда чәчәк бөйләме.

                            Еларгамы, көләргәме бүген?

Хәерле ак юллар сезгә, чыгарылыш класс укучылары!

"Язның бер көне ел туйдыра" ди халык мәкале. Безнең мәктәптә дә тулы көчкә язгы эшләр башланды.

Җиңүгә 68 ел тулу уңаеннан 7 май көнне 7 класс укучылары, әбиләрне чакырып, "Батырлык дәресе" үткәрделәр, әдәби-музыкаль кичә әзерләделәр. 8 май көнне барлык укучылар да һәйкәл янында Бөек Ватан сугышында катнашкан авылдашларыбызны искә алу митингында катнашты, һәйкәлгә венок куелды.

7 май көнне  Мамадыш районы прокурор рынбасары Корчагина Әлфия Хәлимовна укучылар белән очрашу үткәрде. Әлфия Хәлимовна һәр укучының соравына аңлаешлы җавапларын бирде, законнарны белү ни өчен кирәклеген аңлатты.

Бүген мәктәбебезгә кунакка ветеран - укытучыларыбыз килде. Нурфания Вакиловна белән Лена Игнатьевна икесе дә 38 ел гомерләрен укытучылык эшенә багышлаган, хөрмәткә лаек кешеләр. Алар белән очрашу безнең өчен чын мәгънәсендә тормыш дәресе булды. Алар бүгенге укытудагы яңалыклар, электрон журнал, электрон дневниклар белән дә таныштылар. Без аларның мәктәпкә ешрак килүләрен көтеп калабыз. 

Мәктәбебездә 15 нче апрель көнне бөек  шагыйребез Тукайның үлеменә 100 ел тулу уңаеннан искә алу кичәсе үткәрелде.

Безнең мәктәп директоры Ибрагимов Г.М. "Мәктәпнең бизнес-план проекты" белән Мәскәүдә булып узган А.С. Макаренко исемендәге XI Халыкара конкурстан 3 нче дәрәҗә диплом белән кайтты. Бү җиңү безнең өчен зур мәртәбә.