Районның 3 нче “Балачак” балалар бакчасы базасында  мәктәпкәчә белем бирү учреждениеләре тәрбияләнүчеләре арасында  математика   буенча район олимпиадасы булып узды.Авыл балалар бакчалары арасында үткәрелгән олимпиада да безнең  балалар бакчасыннан Мазитова Валерия (Тәрбиячесе- Хасанова Г.М.) катнашты.Валерия-1 урынга лаек булды. Котлыйбыз,киләчәктә зур уңышлар теләп калабыз.

Март ае – яз башы, бик матур ай. Бу ай озак заманнар буе яңа елның беренче ае булып йөргән. Язның көн белән төн тигезләшкән вакыты 21 – 22 март – Нәүрүз бәйрәме буларак билгеләнеп үтелгән. Нәүрүз – язны каршылап, язгы чәчү эшләре алдыннан үткәрелә торган халык бәйрәме ул. Нәүрүз сүзенең мәгънәсе фарсыча яңа көн (ел) дигәнне аңлата.Бу көнне өйдән-өйгә кереп, теләк теләп, сый-бүләк җыеп йөргәннәр. Йорт хуҗаларына яңа елда саулык-иминлек, кырларга бай уңыш, кешеләр бер-берсенә озын гомер теләгәннәр. Нәүрүз ул – игелек, дуслык бәйрәме. Бу гүзәл, язгы матур бәйрәм көнендә кешеләр бер-берсенә кунакка йөриләр, үзләре дә кунак чакыралар, булган үпкәләрен оныталар, бер-берсен гафу итәләр.

Май чабу бәйрәме-бик борынгы заманнан сакланып килгән,көтеп алынган иң күңелле бәйрәмнәрнең берсе. Ул җиде көн дәвам итә.

Борынгы бабаларыбыз аны төрле йолалар белән үреп үткәргәннәр.Бу көннәрдә кешеләр күңел ачалар,кунакка йөрешәләр,коймак ашыйлар.Коймак атнасы –язны каршылауга багышланган тантаналы вакыйга.Коймаксыз Май чабу булмый.

Без Җәмәк “Салават күпере” балалар бакчасында да Май чабу бәйрәмен билгеләп үттек.Балалар белән төрле күңелле уеннар уйнадык,соңыннан коймак белән сыйландык.

Урамда яз җилләре исә, яз исе сизелә. Яз битләребезгә дә, хисләребезгә дә үзенең җылысын өрә. Яз үзенең сихри көчләре белән кешеләр күңеленә үк үтеп керә: җан, рухка ниндидер көтелмәгән куаныч иңәр төсле, бәхет-шатлыкка юл ачылыр сыман…  Язлар матур, дибез. Бәлки яз хатын-кызлар бәйрәме белән башланганга шулай матурдыр? Ә бәлки хатын-кызлар бәйрәмен үткәрү өчен нәкъ менә шундый матур яз көнен сайлау кирәктер?

                                    Март аенда, кар өстендә,

                                     Кояш нурлар уята -

                                    Яз килэ каршы алыгыз -

                                    Дигән хәбәр тарата.

                                    Без беләбез, җылы язның

                                    Иң беренче бәйрәме -

                                    Әниләр, әби-апалар

                                    Хатын кызлар бәйрәме!

 Балалар бакчасында “Буыннар чылбыры өзелмәсен” дигән  чара үткәрелде.Бу бәйрәм чарасы Халыкара туган тел көненә,Гаилә елына багышланды.

Бу чарага 3 буын вәкиле чакырылган иде.Безнең балаларны тәрбияләүдә әби-бабайларның  өлеше бик зур. Туган телебезгә  мәхәббәт гаиләдән башлана.Гореф-гадәтләр,милли йолалар югалмасын өчен без куп эш башкарабыз.Бүгенге бәйрәм кичәсендә балалар әбиләре белән бергә татар халык уеннары уйнадылар,табышмакларга җаваплар таптылар.

Балалар туган телебез турында матур шигырьләр сөйләделәр,бергәләшеп Туган тел җырын җырладык.

Әбиләребез гаиләдә яратып пешерелә торган милли ризык  алып килгәннәр иде,ә оныклары ничек пешерелгәнен сөйләде. Алар шулкадәр матур итеп сөйләделәр,алар өчен куанып утырдык.

Бәйрәм чарасында  Кадрәк мәдәният йорты җитәкчесе Сафиуллина Ф., китапханә мәдире Гарнышева А. катнаштылар.

Буыннар чылбыры өзелмәсен.Изгелеккә,яхшылыкка өндәгән гореф-гадәтләребез яшь күңелдә урын алсын,гаиләдә олыны-олы,кечене-кече иткән ул-кызлар үссен.

 Балалар бакчасында М.Җәлилнең туган көнен билгеләп үттек.

Тәрбияче-Хасанова Г.М. район балалар бакчаларының милли төркемдә татар, туган телне өйрәтүче тәрбиячеләрнең методик берләшмәсендә катнашты.

"Инновацион педагогик технология буларак балалар бакчасында проектлар методы"дигән темага фикер алышуда катнашты,үзенең  проектын тәкъдим итте.

Кошлар-безнең дусларыбыз. Ел саен кышлаучы кошлар өчен балалар җимлекләр ясап алып киләләр,аларга  җимнәр салып торалар.Балалар әтиләре белән бергә ясаган җимлекләре белән Республика конкурсында катнашып,дипломнар белән бүләкләнделәр.