Әмәкәй авылының "Кояшкай" балалар бакчасы мәктәп бинасына күчү сәбәпле ремонт эшләре бара. Эчке эшләр белән бер үк вакытта мәктәпнең түбәсе дә алыштырыла.  Мәктәп территориясендәге  агач-такта материалларын җыештыру өмәсендә укучыларның әтиләре зур ярдәм күрсәтте.

10 класс укучылары ( класс җитәкчеләре Гайсина Р.З.) тыл һәм хезмәт ветераны Дөрия әбигә бардылар һәм "Ветеранга бүләк" акциясе кысаларында ясалган бүләкләрен тапшырдылар.

10-11 класс укучылары арасында брейн-ринг узды.

Укучылар район күләмендә уздырылган "Ветеранга бүләк" акциясендә катнаштылар. 9, 2, 4  класс укучыларының ( класс җитәкчеләре- Шакирянова З.Ә,Мухамадиева А.Ф.) эшләре иң яхшылары дип бәяләнде һәм районга җибәрелде.

Тарих һәм җәмгыять белеме укытучысы Әхмәтов Р.Ә  "Ватан геройлары" темасына 5-11 класслар өчен тәрбия сәгате уздырды.

8-9 декабрь-Мөслимдә татар әдәбияты көннәре дип игълан ителде. Шул уңайдан районга республиканың мәртәбәле язучылары килде. Безнең мәктәптә дә язучылар белән очрашу булды. Очрашуга Халыкара Андерсен бүләге иясе, Тукай, Җәлил, Алиш премияләре лауреаты, Татарстанның һәм Башкортстанның атказанган сәнгать эшлеклесе, шагыйрь Роберт Миңнуллин, Мөслимдә яшәп иҗат итүче язучы, С.Сөләйманова исемендәге әдәби бүләк иясе Роза Хәбибуллина, Әлмәт Язучылар берлеге рәисе, филология фәннәре кандидаты, язучы Рифгать Ширияздан улы Шагиевлар килде. Кичә укучыларның чыгышы белән үрелеп барды. Язучылар балаларга үзләренең теләкләрен җиткерделәр, укучыларны кызыксындырган сорауларга җавап бирделәр.

 Тарих һәм җәгыять белеме атналыгы кысаларында Бәдретдинова Г.М. 7-9 класс укучылары белән "Что? Где? Когда" тапшыруы уздырды.

1-4 класслар өчен "Математик тамаша" булды. Укучылар математик шигырьләр сөйләделәр һәм шунда ук җавапларын таптылар.

"Математик викторина" (5-11 класс)  укучылар өчен бик мавыктыргыч булды.

Бүген 8, 9 класс укучылары зирәклектә һәм тапкырлыкта көч сынашты.