Тәрби эшләре буенча директор урынбасары Гайсина Р.З., педагог -организатор Гайсина Р.К., класс җитәкчеләре Бәдретдиннова Г.М., Мурзина С.Н. 5,6 нчы сыйныф укучылары  белән Мөслимдәге өлкәннәр йортына шефлык концерты белән бардылар. Өлкәннәргә бүләкләр тапшырдылар. 

3 нче сыйныф укучылары Шакирянов Р. һәм Әхмәтгалиев Р. Россия күләмендә  " Инфоурок" үткәргән  рус теле олимпиадасында 1 һәм 2 нче урыннарны яуладылар. Укытучы: Мухамадиева А.Ф.

" Туган як тарихын өйрәнү түгәрәгенең " Якты йолдыз булып яна  Әмәкәй күңелемдә"  сайты икенче регионара "Барсын белергә телим" иҗади проектлар конкурсының "Туган як тарихын өйрәнү" юнәлешендәге проектлар" номинациясендә лауреат булды.

Уктан ату буенча районда үткән ярышта безнең команда 3  нче урынны яулады. Команда составы:   Мөхәммәдиев Илнур, Фаррахов Радик, Фаррахова Гөлфинә, Сөләйманова Ләйсән. Укытучылары Мәбәрәков И.М.

"IV Г.Тукай исемендәге Бөтенрәсәй сәнгатьле шигырь сөйләүчеләр" конкурсының район турында Хәкимов Д.(2 класс), Җәлилова А.( 8 класс), Шамс А.(!! класс) катнаштылар. Шамс А. өлкәннәр төркемендә беренче урынны яулады. Булдырдыгыз, егетләр һәм кызлар!

5,6 сыйныф укучыларының әниләре дәрес тыңладылар, үзләрен кызыксындырган сорауларга җавап алдылар. Соңыннан әниләр өчен укучылар зур концерт куйдылар.

Мәктәп күләмендә янгын куркынычы булганда эвакуацияләнү буенча күнегүләр үткәрелде.

Кызлар, әниләр, әбиләр! Сезнең барыгызны да язның беренче бәйрәме белән котлыйбыз. Сезгә иминлек, бәхет,шатлыклар телибез.Илләр имин булсын! Дөньялар тыныч булсын! Барыгыз да рәхәт яшәгез!

Мәктәптә ата-аналар җыелышы үтте. "Балаң ялганлашамы?" дигән темага Мухамадиева А.Ф. , ГИА турында Шакирянова З.Ә.чыгыш ясадылар.Көнүзәк мәсьәләләр буенча мәктәп  директоры Минныразиев И.М. чыгыш ясаганнан соң, әниләр өчен "Ягез әле,кызлар!" конкурсы  егетләр генә катнашындагы концерт номерлары белән үрелеп барды.

9 нчы сыйныф укучысы Насретдинова А. рус теленнән олимпиаданың республика турында призер булды. Укытучысы Фаррахова Р.Г. Азиләгә яңадан -яңа уңышлар телибез.Булдырдың!!!