Бакчабызның музыка җитәкчесе һәм рус теле укыту буенча тәрбиячесе, ГАОУ СПО "Муса Җәлил исемендәге Минзәлә педагогия көллияте"ндә "III Всероссийская научно-практическая конференция имени мусы Джалиля, посвещенная 70- летию Победы в Великой Отечественной войне" дип исемләнгән конференөиядә катнашу мөмкинлеге булды. Алар "Практическое применение духовного наследия Мусы Джалиля в учебно-воспитательном процессе" дигән темага чыгыш ясап, сертификат белән кайттылар.

Халыкны чаңгы шууга җәлеп итү, спортның әлеге төрен һәм сәламәт яшәү рәвешен пропагандалау максатыннан район күләмендә “Татарстан чаңгы юлы-2015 ”  спорт бәйрәме узды. Әлеге чарада “Карлыгач” балалар бакчасы хезмәткәрләре дә актив катнаштылар.  

6 февраль көнне  район  мәдәният  йортында талантлы балаларның “Йолдызлык-2015” фестиваленең  финал турында  “Карлыгач” балалар бакчасында тәрбияләнүче балалар күмәк биюләре белән уңышлы чыгыш ясап 1 нче урынга лаек булдылар. Вокал  номинациясендә  уңышлы  чыгыш  ясап, Мирсалихова Ләйсән 3 нче урынга лаек булды.

"Кошларга мәрхәмәтле булыйк!" Нәкъ шушындый теләк белән уртанчылар төркеме  балалары,тәрбияче апалары ярдәмендә, уз куллары белән тырышып ясаган җимлекләрне,саф һавага чыккач  бакчага элделәр. Өйләреннән алып килгән сый- хөрмәтләр белән якын дусларын сыйладылар.Балаларның җимлеккә килгән кошларны куреп сөенүләре, тырышлыгыбыз юкка түгел дигән нәтиҗәгә китерде.

Бакчабызның мәктәпкә әзерлек төркеме балалары "Созвездие - Йолдызлык" 2015 конкурсына әзерләнә.Чыгышлары иң-иңнәрдән булсын дигән нияттә, махсус костюмнар тектерелде. Балаларыбызга уңышлы чыгыш ясауларына иң изге теләкләребезне теләп калабыз!

29-30 нчы декабрь көннәрендә, балалар бакчасы хезмәткәрләре, Кыш бабай, Кар кызы һәм башка маскалар булып киенеп, хезмәткәрләребезнең балаларын өйләренә барып яңа ел белән котлап кайттылар! 

Балачакның иң матур көтеп алган бәйрәме - ул яңа ел. Бу беркем өчен дә сер түгел. Балачакта, яңа ел бәйрәме, тылсымлы кебек тоела. 

25 - 26 нчы декабрь көннәрендә  төркемнәрдә яңа ел бәйрәмнәре үтте. Балалар бакчасы хезмәткәрләре, балаларның бәйрәмнәренә, бераз гына булсада, тылсым өстәргә тырышты. Бәйрәмгә бик күп кунаклар килгән иде: солтан, убырлы карчык, кар бабай, шүрәле, кыш бабай, кар кызы һәм башкалар.

28 нче октябрь бакчабыз өчен истәлекле көн булып калды,чөнки буген уртанчы һәм мәктәпкә әзерлек төркеме балалары әниләр көне бәйрәме уңаеннан, иң кадерле кешеләрен - әниләрен бәйрәмгә җыйды.Җыр-бию, кызыклы уеннар белән әзерләнгән бәйрәм концерты әниләрне сөендерде, чын күңелдән әйтелгән нәфис сүзләр матур теләк булып барып иреште. Бәйрәм ахырында балалар үз тырышлыгы белән ясаган бүләкләрен әниләренә тапшырдылар.Бәйрәмне куюда музыка җитәкчесе һәм төркемнәрнең тәрбияче апалары тырышлык куйды. 

26 нчы ноябрь көнне бакчабызда район һәм авыллар балалар бакчалары мөдирләре семинары узды. "Карлыгач" балалар бакчасы ФГОС (федеральный государственный образовательный стандарт) программасы буенча эксперементаль площадка булып торганлыктан, бакча мөдире барлык эш планнары һәм аның тәртибе турында тирәнтен таныштырды.Сорауларга җавап бирде.