Балалар белән гаиләдә чәй өстәлен әзерләү турында сөйләштек."Син кунак" дип аталган рольле уен уйнадылар.

Бүген тәрбиячеләрнең һөнәри бәйрәмнәре.Балалар сау-сәламәт булсын!Бакчабыз балалар тавышыннан шау-гөр килеп торсын!

Бүген балалар белән күк йөзен күзәттек.Ак болытлар йөзгәнен,аларның төрле фигураларга әйләнгәнен карадык.

Балалар бакчасында нарат агачлары үсә.Балалар белән нарат күркәләрен җыйдык.

Балалар яфраклар очыртып уйнадылар."Яфрак бәйрәме" дигән җырны өйрәнә башладылар.

Табигатньең матур көннәренең кадерен белеп калырга кирәк.Балалар белән сары яфраклар җыйдык.Агачларны яфракларыннан танырга өйрәндек.

Табигатьтә көзнең иң гүзәл мәле-Әбиләр чуагы.Балалар белән табигать кочагына экскурсиягә чыктык.Агачларны,күк йөзен,тирә-юньне күзәттек.Балалар рәхәтләнеп йөгерделәр,уйнадылар.

Бүген балалар белән йорт җиһазлары белән таныштык.Рәсемнәрдән аларны карадылар.Һәркайсының исемен әйттеләр.

Тәрбияче балалар белән көзге уңыш турында сөйләште.Бакчада кыяр,помидор,кишер,суган үсүе турында әйттеләр.Аларны рәсемнәрдән карадылар.Аннан "Без мул уңыш үстердек"темасына әвәләп яшелчәләр ясадылар.

Балалар белән тәрбияче "Минем гаиләм" темасына рольле уен  уйнадылар.Балалар гаилә членнарын әйтеп чыктылар.Әти-әниләренең,әби-бабаларының исемнәрен әйттеләр.Гаиләләрен ярату,хөрмәт итү тәрбияләнде.