Балалар белән саф һавада уеннар уйнадык.Һава торышын күзәттек,җил искәнен,агачларның җилдә селкенгәнен күзәттек.

Балалар белән рәсем сәнгате шөгылендә вазада чәчәкләр ясадык.Кисточканы дөрес тотарга,чиста-пөхтә эшләргә өйрәндек.

 Пластилиннан әвәләп ясау дәресе үтте. Балалар  фигураларны пластилин өстенә куеп кисеп алдылар.Бу шөгыль аларга бик ошады.

Безнең балалар бакчасында "Гаилә бәйрәме" булды.Әти-әниләр балалар белән ял иттеләр.Уеннар уйнадылар,балаларның шигырьләрен,җырларын тыңладылар,биюләрен карадылар.

Кызлар белән 8 Март бәйрәменә стразалар ябыштырып котлау открыткасы ясадык.Балаларның кул чукларын ныгыту,төсләр аеру күнегүләрен камилләштерү,пөхтәлек тәрбияләнде.

Балалар белән "Гаилә бәйрәменә" бию өйрәнә башладык.Балаларның хәрәкәтләнү күнегүләрен ныгыту.,гәүдәне төз тотуларына ирешү.

Балалар белән кадерле әниләребезгә открытка ясадык.Балалар сызыклар буенча кисәргә өйрәнделәр.Кайчыны дөрес тоту,клей белән сак эшләү кагыйдәләрен аңладылар.

Безнең бакчада балаларның бәйләнешле сөйләм телен үстерү өстендә эш даими алып барыла.Бүген "Әти-әнигә мин йорт эшләрендә булышам" темасына сөйләштек.Хезмәт сөючәнлек,өлкәннәргә хөрмәт,әдәплелек тәрбияләнде.

Бүген балалар белән ашаганда әдәп-әхлак тәрбиясе турында сөйләштек.Балалар үзләре дә кагыйдәләрне әйттеләр.Әдәплелек,пөхтәлек тәрбияләнде.

Бүген әтиләребезне 23 февраль-Ватанны саклаучылар көне белән котлап открыткалар ясадык.Балаларда патриотик хисләр,туган илгә мәхәббәт тәрбияләнде.