Балалар көн саен саф һавада булалар.Саф һавада уйнау сәламәтлекне ныгыта.Балалар рухи яктан нык,шат күңелле,аралашучан булып үсәләр.

Тәрбиячебез Сафина Г.Д. кызы "Миләшкәй" балалар бакчасында уздырылган "Педагогның театраль кәрзине" конкурсында катнашты.

Балалар белән кыш көне кошлар тормышы турында сөйләштек.Салкыннар вакытында кошларга азык табуы бик авыр.Шуның өчен җимлекләр элеп куярга кирәк,Анда кошлар ашый торган бөртекләр салып торсан,кошлар безгә рәхмәт әйтерләр дигән фикергә килдек.Кошларга карата балаларда рәхимлелек сыйфатлары тәрбияләдек.

Мәктәпкәчә әзерлек төркеме балалары белән 10 эчендәге саннар составын ныгыту буенча күнекмәләр үткәрелде.Ә уртанчылар төркеме балалары саннар белән танышуны дәвам иттеләр.Балалар телдән исәпләргә яраталар.Бик тырышып эшлиләр.

Балалар белән кышкы каникулны ничек үткәрүләре турында әңгәмә үткәрдек.Алар әти-әниләре белән тауда шуулары,Мөслимгә чыршы карарга барулары ,тимераякта шуарга өйрәнүләре турында  сөйләделәр.Балаларга каникул вакында ял итү бик тә ошаган.

Балалар белән Яңа ел бәйрәме турында әңгәмә үткәрдек.Аңа әзерләнү эшләре күптән башланып китте инде.Җырлар,биюләр өйрәнәбез,бүлмәне матур итеп бизәп куйдык.Балалар үз куллары белән гирлянда ясап элделәр.

Кыш җитү белән авырулар барлыкка килә башлый.Балалар ютәлли.Тын юлларын ныгыту максаты белән пластик шешәләргә кәгазьне ваклап тутырдык,аннан көпшә ярдәмендә балалар өреп тын юлына күнегү ясадылар.

    Безнең "Чулпан" балалар бакчасы  коллективы һәр елны инвалидларга ярдәм итә.Быел да авылыбызның мохтаҗ гаиләсенә ярдәм иттек.Күчтәнәчләр тутырып,пакет илттек.

Мәктәпкә әзерлек төркеме балалары "1,2,3,5,10 сумлык белән танышуны" кабатлау темасы буенча шөгыльләнделәр.Акча саный белергә кирәклеген,кибеткә акчасыз барып булмаганын аңладылар.Саннарны кабатладылар,мисаллар эшләделәр.

Балалар белән Алтын көзне озату кичәсе үткәрдек.Гөлназ апалары аларга биюләр,җырлар өйрәтте.Шалкан әкиятен сәхнәләштердек.Зонтиклар биюе биеделәр,яфраклар тотып вальс әйләнделәр.Бәйрәм күңелле булды.Киләсе елга чаклы көз белән хушлаштык.