Бүген балалар бакчасында әтиләр белән берлектә бәйрәм үткәрдек.Бәйрәмдә балалар әтиләренә багышлап шигырьләр сөйләделәр,җырладылар,биеделәр.Икенче өлештә балалар  ике командага бүленеп ярыштылар.Әтиләр дә балалар белән күңел ачтылар.Соңыннан барыбыз бергә чәй эчтек.

Балалар әтиләренең фотосурәтләрен алып килделәр.23 февраль алдыннан әтиләренең солдатта булулары турында сөйләштек.Һәркайсынын әтисе турында тизрәк сөйлисе килде.Малайларыбыз үскәч әтиләре шикелле армияга барачакларын әйттеләр.Илне саклаучылар,яклаучылар булабыз диделәр.Бакчабыз балалары әтиләре белән бик горурланалар,яраталар.

Бүген балалар белән "Сәламәт тәндә- сәламәт акыл" дигән темага әңгәмә үткәрдек.Балалар иртән йокыдан торгач юынырга,тешләрне чистартырга кирәклеген сөйләделәр.Иртәнге гимнастика ясау бик файдалы булуын тәрбияче Гөлназ апалары аңлатты.Барысы бергә басып,музыка астында гимнастика ясадылар.Сәламәтлекләрен ныгыттылар.

Авылыбызның иң өлкән кешесе Мавлиева Гайнекамал Ак әбигә 105 яшь тулды.Барыбызны да танып, узган гомере турында сөйләде.Килене Рәмзилә апа бик нык тәрбияли.Аңа бик зур рәхмәт.

Балалар белән көн саен саф һавага чыгабыз.Күңелле уеннар уйныйбыз.Таудан чана белән шуалар,карда тәгәрәшеп уйныйлар.Саф һавада  балалар рәхәтләнеп ял итәләр.