26 нчы апрель- Туган тел көне һәм милләтебезнең бөек улы- Г. Тукайның 136 яшь тулу көненә багышланган  "Без - Тукай оныклары" исеме астында балалар мәдәният йортында шигырь бәйрәмендә катнаштылар.

Безнең балалар бакчасында табигатькә сакчыл караш тәрбияләү максатыннан "Эколяталар көне" билгеләп үтелде. Бу уңайдан балалар белән төрле экологик чаралар үткәрелде. 

Алабуга шәһәренең 29 нчы номерлы  "Алтын балык"  балалар бакчасында узган "Мин бит татар малае " балалар иҗаты республика конкурсында мәктәпкә әзерлек төркемендә тәрбияләнүче Хасаншин Алмаз уңышлы чыгыш ясап  "Иң сәнгатьле сөйләүче малай " номинациясендә җиңүче булды.Алмазны бу җиңүе белән котлыйбыз, киләчәктә дә халкыбызның лаеклы улы булып усүен телибез.

Зурлар төркеме балалары рәсем эшчәнлегендә тал песиен рәсемгә төшерделәр.

Тәрәз аша кара әле,

Суык көннәр бар әле.

Ә тал песие көлә,

Димәк, инде яз килә.

Балалар белән су объектларында уз-үзеңне тоту һәм куркынычсызлык кагыйдәләрен дөрес үтәү буенча әңгәмә үтте. Аларга сулыклар янында йөрмәскә аңлатылды.

Зурлар төркеме балалары мәдәният йорты каршындагы паркта сыерчыкларны күзәттеләр. Балалар агачка куелган ояларда унбер сыерчык санадылар, аларнын сайрауларын тыңлап хозурландылар.

Язгы чорда су объектларында халыкның куркынычсызлыгын тәэмин  итү чаралары  турында әңгәмә үтте , махсус буклетлар таратылды.

Безнең балалар бакчасыннан "Яшь бөреләр" талантлы балалар фестиваленең  II сайлап алу турында Шәйхетдинова Әминә катнашты. Ул нәфис сүз номинациясендә чыгыш ясады. Әминәбезгә киләчәктә тагы да зуррак уңышлар телибез!

Зурлар төркеме балалары космонавтика көне уңаеннан Ю. Гагарин, космос турында мультфильм карадылар, үзләре өйрәнгән шигырьләрне сөйләделәр, соңыннан күмәк аппликация ясадылар.

"Сәламәтлек бишъеллыгы" программасына кушылып һәр иртәне физик күнегүләрдән башлыйбыз. Балалар өчен иртәнге зарядкага кертелә торган күнегүләр төрле, ләкин иң мөһиме, алар бөтен организмны ныгыталар һәм билгеле бер әзерлек белән башкарыла.