8 март- Халыкара хатын-кызлар көне уңаеннан зурлар төркеме балалары әниләрен бәйрәм белән котладылар. Шигырьләр сөйләделәр, үзләре ясаган открыткаларын бүләк иттеләр.

Кечкенәләр төркеме балалары әниләренә бәйрәмгә бүләкләр ясадылар.

Бакча хезмәткәрләре белән гадәттән тыш хәлләрдә хәрәкәт итү буенча инструктаж үткәрелде.

26 февраль -әкиятләр сөйләү көне уңаеннан балалар әкият китаплары белән таныштылар,үзләре яраткан әкиятләрне сөйләделәр.

"Яшел ут -2022" бәйгесендә балаларны юл йөрү кагыйдәләренә өйрәтүдә бакча коллективы Рәхмәт хатына лаек булды. Балаларның юл-транспорт һәлакәтен булдырмау максатыннан бакчада системалы эш алып барыла.

Зурлар төркемендә 23 нче февраль - Ватанны саклаучылар көне уңаеннан  балалар үз куллары белән ясаган бүләкләрен  әтиләренә тапшырдылар.

Ватанны саклаучылар көне уңаеннан кечкенәләр төркеме балалары үз куллары белән әтиләренә бүләкләр ясадылар.

И Туган тел, и матур тел,

Әткәм-әнкәмнең теле;

Дөньяда күп нәрсә белдем

Син туган тел аркылы.

21 февраль- Халыкара туган тел көне уңаеннан бакчада "Иң татлы тел- Туган тел" дип исемләнгән чара үткәрелде. 

Сәламәт яшәү рәвешен өйрәтү максатыннан бакчабыз тәрбиячеләре А. Алишның "Куян кызы" әкиятен балаларга сәхнәләштереп күрсәттеләр.

"15 февраль- И. Шакировның туган көне" акциясе кысаларында мәдәният йортында бакчада тәрбияләнүчеләр белән "Идел буе каеннары" исеме астында танышу-күрсәтү чарасы узды. Балалар  боек җырчының тормыш юлы белән таныштылар, язмаларда җырларын тыңладылар.