Бакчада әниләр көненә багышланган "Әниемнең җылы кочагы" дигән кичә үтте. Балалар әниләргә үзләренең матур шигырьләрен, җырларын, биюләрен бүләк иттеләр.

Әниләр көненә балалар  үз куллары белән кул эшләре ясап, кадерле әниләргә бүләк иттеләр.

Тәрбиячеләр Гарипова А. һәм Тимеркаева Г. бакчада "Әдәп-төбе - матур гадәт" дигән темага ачык шөгыль үткәрделәр. Балаларны әдәпле, тәртипле, тәмле сүзле булырга өйрәттеләр.

Бакчада район тәрбиячеләре өчен "Балалар бакчасында балаларга  әдәп-әхлак һәм патриотик тәрбия бирү"  дигән темага семинар үтте.

Тәрбияче Шайхайдарова Г.  бакчада тәрбиячеләр белән "Тантамареска театры" дигән темага мастер-класс үткәрде. Тәрбиячеләр "Йомры икмәк" әкиятенә тантамаресканы ясап уйнап күрсәттеләр.

Кечкенәләр төркеме балалары физкультура шөгылендә гимнастик скамейкаларда шуыштылар, хәрәкәт активлыкларын үстерделәр.

Зурлар төркеме балалары әвәләү эшчәнлегендә пластилиннан әкәм-төкәм әвәләделәр. Алар түгәрәк, овал тәгәрәтү, чеметеп тартып чыгару күнекмәләрен ныгыттылар.

Уртанчылар төркеме балалары ин гади математик күзаллауларны формалаштыру эшчәнлегендә эш дәфтәрләрендә шөгыльләнделәр. Алар "берле" саны турында белемнәрен ныгыттылар.

"Бердәмлек көне" кысаларында авыл мәдәният йортында "Барыбыз бергә күңелле" дип исемләнгән, төрле милләт уеннары кертелгән уен программасы узды.

Зурлар төркемендә "Исәнме алтын көз" дип исемләнгән көз бәйрәме үтте. Балалар янына кунакка көз кызы Сөмбелә һәм  Төлке килде. Балалар бергәләп биеделәр, шигырьләр сөйләделәр, көз турында җырлар җырладылар, төрле уеннар уйнадылар. Бәйрәмдә балалар бик күп уңай эмоцияләр алдылар.