Зурлар төркеме балалары белән саф һавада көзге яфракларны күзәттек, табигатьнең матурлыгына сокландык.

Иске Карамалы мәдәният йорты белән берлектә бакчада халыкара китап уку көне уңаеннан "Күңелле китаплар" сәгате узды. Балалар татар халык әкиятләрен, яраткан шагыйребез Роберт Миңнуллин шигырьләрен аеруча кызыксынып тыңладылар.

Халыкара китап уку көне уңаеннан Иске Карамалы авыл китапханәсе бакчага Факил Сафинның балалар өчен язылган китапларын бүләк итте.

Балаларның сәламәтлеген физик яктан ныгыту һәм үстерү өчен хәрәкәтләнү активлыгының төрле формалары кулланыла. Саф һавада үткәрелгән физкультура шөгыльләре сулыш алу, мускул һәм башка мөһим организм системаларының үсешенә булышлык итә.

Зурлар төркемендә тәрбияләнүче балалар бакчаның тәҗрибә участогындагы яшелчәләргә, чәчәкләргә, бакча территориясендәге агач үсентеләренә су сиптеләр.

Зурлар төркеме балалары белән Беренче кыңгырау бәйрәмендә катнаштык.

Балалар  "Җәй" темасына  саф һавада төсле буяулар белән рәсем ясадылар. Саф һавада рәсем ясау балалар өчен иң кызыклы шөгыльләрнең берсе. Балалар иҗат белән шөгыльләнә, тирә-юньне танып белергә өйрәнә.

22 нче август- Россия флагы көне. Шул уңайдан балалар бакчасында тәрбияләнүчеләр дә бу бәйрәмнән читтә калмадылар. Кечкенәдән үз Ватаныңа тугрылык хисләре тәрбияләү, Дәүләт символларын танып-белү максатыннан бәйрәм котлавы уздырылды, флаглар белән флешмоб узды.

Кечнәләр төркемендә тәрбияләнүчеләр буягыч китаплардагы рәсемнәрне буядылар, төсләрне танып- белүдә , карандашны дөрес тотуда күнектеләр.