Кошлар көне уңаеннан 2 класста “Җиме булса, җимлек табыла” дип аталган чара үткәрелде. Чара барышында кошлар турында видиофильм каралды, “Кошлар ни белән туклана”,  дигән темага әңгәмә үткәрелде, кул астында булган материаллардан җимлек ясалды. Дәрес ахырында җимлекне Илнар үзе агач ботагына урнаштырып, кошларга җим салды.

Чыгарылыш класс укучылары рус теленнән он-лайн тест сорауларына җавап бирделәр

Экология елы кысаларында башлангыч класс укучылары  белән чара үткәрелде. 1 һәм 3 класс кызларының “Гөлчәчәк” Һәм “Кыңгырау” командалары “Ягез әле, кызлар!” бәйгесендә көч сынашып, туган як табигатен яхшы белүләрен күрсәттеләр.

В рамках Года экологии 22 марта среди 8-11 классов был проведен конкурс -викторина, приуроченный ко Дню воды. Учащиеся поделившись на две команды соревновались в различных конкурсах, показывая свои знания о водных ресурсах нашей страны и планеты в целом. По окончании ребята смогли пообщаться и потанцевать на школьной дискотеке.

22 марта  в школе состоялась встреча выпускников 2010 года

2011 елда мәктәбебездән Район Балалар Думасына депутат итеп сайланган Галиева Рәмилә чыгарылыш имтиханнарына әзерләнү сәбәпле әлеге вазифадан азат ителүен сорады. Аның үтенечен канәгатьләндереп, яңа депутат сайлаулары оештырылды. Классташлары тәкъдим иткән кандидатлар- Харисова Равилә, Сабитова Рәилә һәм Ахмадишина Рәмилә арасыннан яшерен тавыш бирү юлы белән Сабитова Рәилә Район Балалар Думасына кандидат итеп сайланды. Без аны бу җиңүе белән котлыйбыз, нәтиҗәле эш алып барыр дип ышанып калабыз. 

"XXI гасыр Кулибиннары" районара күргәзмә-конкурста Ильясов Наил Локман улы җитәкчелегендә Нәбиуллин Рузвельт һәм Галиев Нәргиз үзләре уйлап тапкан модельләре белән катнаштылар. Нәбиуллин Рузвельтның эше 2 урынны алды.

Бу көн мәктәбебездә 8-Март бәйрәме уңаеннан тәбрикләүләр көне буларак үтте. Профсоюз комитеты һәм дирекция коллегаларын, укучылар укытучыларын, малайлар классташ кызларын бәйрәм белән котладылар, истәлекле бүләкләр тапшырдылар.

Лаеклы ялдагы ветеран укытучыларыбыз хөрмәтенә оештырылган бәйрәм иртәсе мәктәп директоры Рөстәм Робертовичның коллектив һәм үз исеменнән тәбрикләве белән башланып китте.  Бәйрәм барышында өлкәннәрне котлап башлангыч класс укучылары концерт номерлары  күрсәттеләр. Соңыннан бәйрәм чәй өстәле артында дәвам итте.  

Март аенда укучы кызларыбызның иҗат күргәзмәләрен оештыру планлаштырылган иде. Беренче күргәзмә 7 класс укучысы Халимова Гөльязның рәсемнәреннән ясалды. Күпчелеге карандаш ярдәмендә генә иҗат ителгән әлеге рәсемнәр һәркемне сокландырды.